Qoǵamdyq qabyldaý barysynda oblys turǵyndary jeke máseleleri boiynsha aryz-shaǵymdaryn aityp, sheshilmei júrgen máselelerin jetkizdi.
Sairam aýdanynan kelgen Toishybek Esbolatov eki azamattyń uryp ketkendigi jóninde shaǵymdansa, Dostan Azatbekov qylmystyq is árekettiń kópke sozylyp jatqandyǵyna toqtaldy. Ordabasylyq Qoishybai Áripbai mal urlyǵynyń máselesin kóterse, túrkistandyq Gaýhar Jakelova aqshasyn aldap alǵan adamdarǵa shara kórýdi surandy.
Kópbalaly, ári jalǵyz basty ana Aiman Mahanbetova dos qurbysyna bankten 1 mln. teńge nesie alyp berip, tólemei júrgendigin aitty. Ári týystary úiine kelip qorqytyp, qoqań-loqy kórsetkendigine arasha surady.
Qabyldaý barysynda kadrlyq máselelerde kóterildi. Saryaǵash qalasynyń turǵyny Tálipbai Orazov Nur-Sultan qalasyndaǵy politsiia departamentinde eńbek etetin ulynyń qyzmetin Túrkistan oblysyna aýystyrý jóninde ótinish berdi.
Qabyldaýdyń júrip jatqandyǵyn tikelei efirdegi áleýmettik jeli arqyly habardar bolyp, arnaiy kelgenderde boldy.
Qairat Sultanbaiuly turǵyndar tarapynan aitylǵan barlyq máselelerdi muqiiat tyńdady. Árbir aryz-shaǵymǵa keń kólemde jaýap berip, keńesin aitty. Kei máselelerdiń sheshilýin óz baqylaýynda ustaityndyǵyn sóz etip, arnaiy jazyp aldy. Orynbasarlaryna tapsyrma berip, aldaǵy ýaqytta nazarda ustaityndyǵyn jetkizdi.
– Búgin birshama máseler boiynsha oblys turǵyndarynyń aryz-shaǵymdaryna jaýap berdik. 11 adam qabyldaýǵa kelip, qylmystyq ister boiynsha, kadr jaiynda, kópke sozylǵan, sheshimin tappai jatqan qylmystyq ister jóninde shaǵymdary men ótinishterin aitty. Basym bóligine jaýap berdik, al qalǵanyn aldaǵy ýaqytta zerdelep tolyq jaýabyn beremiz. Jalpy, politsiia departamentinde front – ofis jumys jasaidy. Onda da kez kelgen azamat, óz máselelerin aityp, aryzyn berýge tolyq múmkindigi bar, – dedi Q.Dálbekov.
Qoǵamdyq qabyldaýǵa kelgen turǵyndardyń shaǵymdary «Nur Otan» partiiasy Túrkistan oblystyq filialynyń turaqty baqylaýyna alyndy.
Az ǵana ýaqytta bilik pen buqarany toǵystyratyn alańǵa ainalyp úlgergen «Nur Otan» partiiasy Túrkistan oblystyq filialynyń «Open Space» formatyndaǵy qoǵamdyq qabyldaýy aldaǵy ýaqytta da jalǵasyn tabady.
«Nur Otan» partiiasy Túrkistan oblystyq filialynyń baspasóz qyzmeti
