Oblysta pedagogikalyq quramdy jinaqtaý protsesi avtomattandyryldy
Oblys boiynsha jumys izdeý jáne jumyssyzdyq paiyzyn tómendetip, qoljetimdilikti jáne qolaily jaǵdaidy qamtamasyz etý úshin «jumys.sitcen.kz» júiesi engizildi.
Bul týraly Túrkistan oblystyq óńirlik kommýnikatsiialar qyzmetinde ótken brifingte Aqparattandyrý, memlekettik qyzmetter kórsetý jáne arhivter basqarmasynyń basshysy Bastar Esqaraev málim etti.
Onyń aitýynsha, buryn pedagogikalyq laýzymǵa úmitkerler men pedagogikalyq joǵary oqý oryndarynyń túlekteri bos oryndar týraly málimet alý úshin ár mektepti aralaý qajet bolatyn bolsa, elektrondy júie arqyly ótinishti onlain-rejimde tapsyryp, ashyq konkýrstyq irikteýden de ótýine múmkindik beredi
– Búgingi tańda júiede 2500-ge jýyq paidalanýshysa bolsa, onda 500-ge tarta bos jumys orny ornalastyrylǵan. Qazir joba arqyly 26 ótinish túsip otyr. Budan ózge, oblys boiynsha 456 639 bala sanymen 901 jalpy bilim berý mektepteri bar. Qazirgi tańda Túrkistan oblysy boiynsha mektepterge birinshi synypqa qabyldaý protsesiniń avtomattandyrylǵan mektep.sitcen.kz portaly iske qosyldy, – dedi Bastar Áýelhanuly.
Sondai-aq, «Mektepke deiingi bilim berý mekemelerine kezekke qoiý jáne joldama berý» protsesin avtomattandyrý júiesi 358 mekemeni qamtyp otyr. Basqa aýdandar men qalalarda jumystar júrgizilýde. Atalǵan júieler túrli sybailas jemqorlyq táýekelderin joiyp, azamattar úshin barynsha ashyq túrde jáne qolaily bolýyn qamtamasyz etedi.
– Búgingi tańda orta bilim berý salalarynda memlekettik-jekemenshik yntymaqtastyq aiasynda «Kúndelik» elektrondy jýrnaldar men kúndelikterdiń biryńǵai aqparattyq júiesi» engizilýde. Qazir 901 mekteptiń 87 paiyzy jobaǵa tirkelip, jumys júrgizýde, – dedi Bastar Esqaraev.
Aǵymdaǵy jyly Túrkistan oblysynda tsifrlyq bilim berý resýrstaryn engizý aiasynda 1500 BilimBook noýtbýktaryn jáne 200-ge jýyq interaktivti panelderin satyp alynyp, nátijesinde oqýshylardy kompiýterdi qamtý deńgeii edáýir artatyn bolady.
Túrkistan oblysy ákiminiń baspasóz qyzmeti
