Ákimniń birinshi orynbasary qos veleosıpedin elıtalyq úıdiń kire berisine qoıyp júripti. Shamasy ol elıtalyq úıdiń kúzetine men aınalasyndaǵy beınebaqylý júıesine senip qalsa kerek. Biraq ákki urylar beınebaqylý kamerasyn da, jurttyń kózine túspeı shendiniń qos velıgin qoldy qylǵan.
Oqıǵa osydan bir apta buryn bolǵanymen kúni keshe ǵana Dúısenbaı Turǵanov oblystyq baspasóz qyzmeti arqyly bolǵan jaıdy habarlap, qoldy bolǵan múlkine qatysty quqyq qorǵaý organdaryna aryz túsirgenin málimdedi.
Óz kezeginde quqyq qorǵaý organdary ókilderi de 11-12 shildege qaraǵan kúni Sátbaev kóshesiniń boıyndaǵy úılerden Montague markaly velosıpedttiń qoldy bolǵanyn rastady. Tártip saqshylary eki jas jigittiń osy oqıǵaǵa qatysy bolýy múmkin ekenin rastap, olardy izdestirip jatqandaryn habarlap úlgerdi.
Eger ákim orynbasarynyń múlkine qol suqqandar tabylsa, olar QR QK 3 bóligi 188 baby boıynsha kúdiktiler 3 myń aılyq kórsetkish esebinde aıyppul tóleıdi, bolmasa múlki tárkilenip, 5 jylǵa deıin bas bostandyǵynan aıyrylýy múmkin.
Derekkózi: sputniknews.kz
https://dalanews.kz/25466
