پاۆلودار وبلىسى اكىمىنىڭ ءبىرىنشى ورىنباسارى دۇيسەنباي تۇرعانوۆ ەكى بىردەي ۆەلوسيپەدىن ۇرلاتىپ، قۇقىق قورعاۋ ورگاندارىنىڭ كومەگىنە جۇگىنۋگە ءماجبۇر بولدى.

اكىمنىڭ ءبىرىنشى ورىنباسارى قوس ۆەلەوسيپەدىن ەليتالىق ءۇيدىڭ كىرە بەرىسىنە قويىپ ءجۇرىپتى. شاماسى ول ەليتالىق ءۇيدىڭ كۇزەتىنە مەن اينالاسىنداعى بەينەباقىلۋ جۇيەسىنە سەنىپ قالسا كەرەك. ءبىراق اككى ۇرىلار بەينەباقىلۋ كامەراسىن دا، جۇرتتىڭ كوزىنە تۇسپەي شەندىنىڭ قوس ۆەليگىن قولدى قىلعان.

وقيعا وسىدان ءبىر اپتا بۇرىن بولعانىمەن كۇنى كەشە عانا دۇيسەنباي تۇرعانوۆ وبلىستىق باسپا ءسوز قىزمەتى ارقىلى بولعان جايدى حابارلاپ، قولدى بولعان مۇلكىنە قاتىستى قۇقىق قورعاۋ ورگاندارىنا ارىز تۇسىرگەنىن مالىمدەدى.

ءوز كەزەگىندە قۇقىق قورعاۋ ورگاندارى وكىلدەرى دە 11-12 شىلدەگە قاراعان كۇنى ساتبايەۆ كوشەسىنىڭ بويىنداعى ۇيلەردەن Montague ماركالى ۆەلوسيپەدتتىڭ قولدى بولعانىن راستادى. ءتارتىپ ساقشىلارى ەكى جاس جىگىتتىڭ وسى وقيعاعا قاتىسى بولۋى مۇمكىن ەكەنىن راستاپ، ولاردى ىزدەستىرىپ جاتقاندارىن حابارلاپ ۇلگەردى.

ەگەر اكىم ورىنباسارىنىڭ مۇلكىنە قول سۇققاندار تابىلسا، ولار ق ر قك 3 بولىگى 188 بابى بويىنشا كۇدىكتىلەر 3 مىڭ ايلىق كورسەتكىش ەسەبىندە ايىپپۇل تولەيدى، بولماسا مۇلكى تاركىلەنىپ، 5 جىلعا دەيىن باس بوستاندىعىنان ايىرىلۋى مۇمكىن.

 

دەرەككوزى:  sputniknews.kz

 

 

https://dalanews.kz/25466