Oǵan arzandatylǵan baǵamen 19 túrli azyq-túlik ónimderi satyp alynǵan. Mamandardyń aitýynsha, biyl oblysta azyq-túlik baǵasy qymbattamaidy. Óitkeni, qajetti taýardyń barlyǵy jetkilikti deidi.
Kúni keshe Túrkistan oblysynyń Saryaǵash aýdanynda kúzgi aýyl sharýashylyǵy jármeńkesi ótti. Saýdaǵa qoi eti, sút ónimderi, tary-jarma, qus, balyq, kókónister men t.b. ónimder shyǵarylyp, arzandatylǵan baǵamen satyldy.
Shara aiasynda jyl qorytyndysy boiynsha úzdik kórsetkishterge jetken ár túrli sharýashylyqtar men men eńbekqor diqandar marapattaldy.
Tanabai Shyntasov, sharýashylyq basshysy: «Bizde 50-ge jýyq adam jumys isteidi. Jylyna 1 mln jýyq kóshet óndiremiz. Bizdiń maqsatymyz onyń sanyn kóbeitý emes, sapasyn da jaqsartý.Júz gektarǵa jýyq kóshen aýmaǵy bar. Onyń ishinde analyq baýlar, júzim baýlar bar».
Aita ketelik, Túrkistan óńirinde biylǵy jyly turaqtandyrý qoryna 1 mlrd teńgeden astam qarjy bólindi. Oǵan barlyǵy 19 túrli azyq-túlik ónimderi satyp alynǵan. Máselen, 4,5 myń tonna kartop, 1200 tonna piiaz, 1 myń tonna sábiz qory bar. Mamandardyń aitýynsha, óńir halqyna qajetti azyq-túliktiń barlyǵy jetkilikti. Sondyqtan biyl oblysta azyq-túlik baǵasy qymbattamaidy.
