Bul resmi saltanatty jiynǵa balalar, ata-analar men bilim bóliminiń mamandary qatysty dep habarlady Bnews.kz.
Agenttik, tipti, bul balabaqshanyń eki jyl buryn saltanatty ashylý kezindegi sýretin de jariia etti.
Myna sýretter dál osy balabaqshanyń 2 jyl buryn ashylǵanyn aiǵaqtaidy.
«Aýdanda 558 bala balabaqsha kezeginde tur. Balalardy jappai baqshamen qamtý maqsatynda memlekettik-jeke menshik seriktestik aiasynda bir balabaqshanyń qurylysy bastaldy, al «Bolashaq» balabaqshasy 190 balaǵa arnalǵan. Balabaqshada 58 adam jumys isteidi», — degen aýdandyq bilim bóliminiń basshysy Rita Basmaǵambetova baqshanyń buryn ashylǵanyn atalǵan internet resýrsqa rastai almapty.
Al jergilikti, respýblikalyq tilshiler osydan eki jyl buryn balabaqshanyń ashylýyna qatysyp, sol jyldary oblys ákimi bolǵan Arhimed Muhambetov «Qazaqstan temir joly» ulttyq kompaniiasy qoldaýymen balabaqsha paidalanýǵa berildi» dep aqparat taratqan eken.
Sonda qalai, Shalqar aýdanynyń ákimi barshaǵa málim jáitti oblys ákimi bilmei qalady dedi me eken?. Ol múmkin emes sekildi. Endeshe, oblys ákimin aldaǵan aýdan ákiminiń ne oilaǵany bar eken, a?..
Derekkóz: kaz.365info.kz
