6 tamyzda AQSH-tyń Nú-Iork qalasyndaǵy Ońtústik okrýg boıynsha Okrýgtik soty Almaty qalasy men «BTA Bank» AQ paıdasyna sheshim shyǵardy, dep habarlaıdy Dalanews.kz.
Tyńdaý barysynda usynylǵan dálelderdi zerdeleı kele, sot İlıas Hrapýnovty sotty qurmettemeý aıyby boıynsha kináli dep tapty.
Ádilet mınıstrliginiń málimetinshe, Hrapýnovqa buǵan deıin 221 285 dollardan astam qarjyny tóleý mindeti júktelgen. Sonymen qatar, Federaldyq sýdıa Djon G. Kóltl onyń óz aktıvteri týraly turaqty esep berýdi talap etken sot sheshimin ádeıi oryndamaǵanyn anyqtady. Bul talap oǵan buryn da sotty qurmettemeý faktisi úshin kináli dep tanylǵannan keıin júktelgen bolatyn.
Jańa sot qaýlysyna sáıkes, İlıas Hrapýnov óz múlki jáne oǵan qarsy shyǵarylǵan sot sheshimderin oryndaý maqsatynda jasalǵan áreketteri týraly tolyq ári júıeli aqparat berýge mindetti. Eger bul talap oryndalmasa, oǵan qosymsha qarjylyq aıyppuldar salynýy múmkin. Budan bólek, Hrapýnov Almaty qalasy men BTA bankke sotty qurmettemeýinen kelgen shyǵyndy óteýi tıis.
