Eýrazıalyq ıntegrasıanyń qanshalyqty ıgilikti bolǵany týraly pikir bildirgen saıasattanýshy Edýard Poletaev bıyl ıntegrasıa konsepsıasyn sóz etken Nazarbaevtyń ıdeıasyna 25 jyl tolǵanyn tilge tıek etti.
Onyń aıtýynsha búgingi qalyptaǵy odaqtyń deńgeıine jetý úshin ıntegrasıalyq prosester birqatar damý satysynan ótken.
– Iá, odaq jumysyndaǵy olqylyqtar áli kóp. Kópshiligi áli qaǵaz-qujatqa qatysty túıitkilder. Ýaqyt óte bul máselelerdiń barlyǵy da óz sheshimin tabady, – degen pikir bildirdi ol.
Otyrystyń arnaıy qonaǵy Reseı Federasıasynyń Almaty qalasyndaǵy konsýly Irına Pereverzeva Eýrazıalyq odaqtyń bıylǵy samıti 29 mamyrda Astanada ótetin aıtyp ótti.
«Dese de, ekonomıkalyq ıntegrasıanyń shyńyna áli de jetken joqpyz» dedi ol.
Al «Birlik Edınstvo» saıası zertteýler ortalyǵynyń mamany Alekseı Chekryjovtyń aıtýynsha, postkeńestik elderdi ıntegrasıalaý ıdeıa tek – Nazarbaevqa tıesili.
«Eýrazıalyq odaqtyń kókjıegi keńip keledi. 50-den asa memleket Eýrazıa ekonomıkalyq odaǵymen áriptesip jumys isteýge qulyq tanytty.
Sońǵy 4 jyldyń ishinde Egıpet, Iran, Úndistan, Izraıl sıaqty memleketter erkin saýda aımaǵyna qosylýǵa ynta ekenin málimdedi», – ol.
Sharada sóz alǵan ózge sarapshylar bul odaqtyń bolashaǵy baıandy bolaryna senim bildirip, qazirgi qıynshylyqtardyń barlyǵy ótpeli ekenin aıtty.
