نۇرسۇلتان نازارباەۆتىڭ ەۋرازييالىق باستاماسىنا – 25 جىل
ەۋرازييالىق ينتەگراتسييانىڭ قانشالىقتى يگٸلٸكتٸ بولعانى تۋرالى پٸكٸر بٸلدٸرگەن ساياساتتانۋشى ەدۋارد پولەتاەۆ بيىل ينتەگراتسييا كونتسەپتسيياسىن سٶز ەتكەن نازارباەۆتىڭ يدەياسىنا 25 جىل تولعانىن تٸلگە تيەك ەتتٸ.
ونىڭ ايتۋىنشا بٷگٸنگٸ قالىپتاعى وداقتىڭ دەڭگەيٸنە جەتۋ ٷشٸن ينتەگراتسييالىق پروتسەستەر بٸرقاتار دامۋ ساتىسىنان ٶتكەن.
– يە, وداق جۇمىسىنداعى ولقىلىقتار ەلٸ كٶپ. كٶپشٸلٸگٸ ەلٸ قاعاز-قۇجاتقا قاتىستى تٷيٸتكٸلدەر. ۋاقىت ٶتە بۇل مەسەلەلەردٸڭ بارلىعى دا ٶز شەشٸمٸن تابادى, – دەگەن پٸكٸر بٸلدٸردٸ ول.
وتىرىستىڭ ارنايى قوناعى رەسەي فەدەراتسيياسىنىڭ الماتى قالاسىنداعى كونسۋلى يرينا پەرەۆەرزەۆا ەۋرازييالىق وداقتىڭ بيىلعى سامميتٸ 29 مامىردا استانادا ٶتەتٸن ايتىپ ٶتتٸ.
«دەسە دە, ەكونوميكالىق ينتەگراتسييانىڭ شىڭىنا ەلٸ دە جەتكەن جوقپىز» دەدٸ ول.
ال «بٸرلٸك ەدينستۆو» ساياسي زەرتتەۋلەر ورتالىعىنىڭ مامانى الەكسەي چەكرىجوۆتىڭ ايتۋىنشا, پوستكەڭەستٸك ەلدەردٸ ينتەگراتسييالاۋ يدەيا تەك – نازارباەۆقا تيەسٸلٸ.
«ەۋرازييالىق وداقتىڭ كٶكجيەگٸ كەڭٸپ كەلەدٸ. 50-دەن اسا مەملەكەت ەۋرازييا ەكونوميكالىق وداعىمەن ەرٸپتەسٸپ جۇمىس ٸستەۋگە قۇلىق تانىتتى.
سوڭعى 4 جىلدىڭ ٸشٸندە ەگيپەت, يران, ٷندٸستان, يزرايل سيياقتى مەملەكەتتەر ەركٸن ساۋدا ايماعىنا قوسىلۋعا ىنتا ەكەنٸن مەلٸمدەدٸ», – ول.
شارادا سٶز العان ٶزگە ساراپشىلار بۇل وداقتىڭ بولاشاعى باياندى بولارىنا سەنٸم بٸلدٸرٸپ, قازٸرگٸ قيىنشىلىقتاردىڭ بارلىعى ٶتپەلٸ ەكەنٸن ايتتى.
