Halyqty baspanamen qamtý máselesi qai kezde bolmasyn ózekti. Osy rette Túlkibas aýdanynda «Nurly jer» memlekettik baǵdarlamasy sheńberinde kópqabatty 7 turǵyn úidiń qurylysy júrip jatqanyn aita ketý kerekpiz.
Oǵan qazynadan jalpy 2 mlrd. 600 million teńgeden astam qarjy bólingen eken. Qazirgi kúni turǵyn úiler aýdannyń T. Rysqulov jáne de Sastóbe aýylynda boi kóterýde. Bul eldi mekenderde búginde 32 myńǵa jýyq halyq turady.
Qurylysy qarqyn alǵan T.Rysqulov aýylynda kópqabatty 5 turǵyn úi, al Sastóbe poselkesinde 32 páterlik eki turǵyn úi salynýda. Qurylys jumystary josparǵa sai 2018 jyldyń sońy men 2019 jyldyń basynda aiaqtalyp, paidalanýǵa beriledi dep kútilýde.
Osynyń nátijesinde barlyǵy 320 otbasy baspanaly bolyp, qonys toiyn toilamaq.
Osylaisha túlkibastyqtardyń «Nurly jer» memlekettik baǵdarlamasynyń sharapatyn kóretin kún alys emes. Munda zamanaýi turǵyn úi qurylysymen birge sol aimaqtyń injenerlik-kommýnikatsiialyq infraqurylymy da júrgizilýde. Aita keteiik, búgingi tańda aýdanda 1507 azamat turǵyn úi kezeginde tur.
