Tık-tok pen ınstagramdy jaýlap alǵan radıkaldy ıslam ıdeologıasyna qarsy kúreste Nurlan ımam sıaqty tanymal dástúrli ýaǵyzshylardy paıdalaný josparlanyp otyr. Dombyra men Naýryzdy haram deý, Qazaqstan týyna arab qylyshyn qoıyp nıkabpen fotoǵa túsý sıaqty áreketterdiń kóbeıýi bılikti oılandyryp tastady, dep habarlaıdy Dalanews.kz Dala Inside-qa silteme jasap.
"Jaqyn arada salafızm, vahabızm ıdeologıasymen aqparattyq keńistikte kúresý boıynsha arnaıy shtab qurylýy múmkin. Oǵan myqty ıdeologtar, psıhologtar, PR mamandary, jýrnalıser men ınternette tanymal tulǵalar tartylýy tıis. Ózara bul shtabqa "antı PRONTO" degen kodtyq ataý qoıyldy", - deıdi, DALA INSIDE derekkózi.
Qazirden bastap Nurlan ımam meshit emes, mekteptiń kóbirek qajettigin, qazaqtyń salt-dástúrleri men yrymdarynyń haram emestigin keńinen aıta bastady. Biraq jalǵyz ımamnyń kúshi jetkiliksiz. Sondyqtan shtab qajet dep tapsa, onda bul operasıaǵa "Máńgilik el" botofermasy tartylýy múmkin. Elimizdegi nómiri ekinshi botoferma halyqaralyq PRONTO-men kádimgideı kúrese alady.
Bılik dinı máseleni bıyl rettep tastap, qazaqtardy bir ıdeologıa aıasynda jumyldyrýǵa nıetti. Sebebi prezıdenttik saılaý jaqyndap keledi. Osy kezde syrtqy kúshter qazaqtildi elektoratty dinı kózqarasy boıynsha bólip jiberip, óz maqsatyna paıdalanyp ketýi ǵajap emes.
"Shtab qurylatyn bolsa, elde meshit sala berýdi toqtatý máselesi kóteriletin bolady. Saýap jınaǵysy kelgen bıznesmenderge QMDB ımamdary mektep pen balabaqsha salynsa, saýaptyń kóbirek túsetinin túsindiredi dep oılastyrylǵan. Qazir onyń Quran men hadısterdegi teologıalyq dáleli pysyqtalyp jatyr", - deıdi derekkóz.
Bıyldan bastap áleýmettik jelilerde dinı talas pen tartystyń kúsheıgeni baıqalady. Bárin haram dep jatqan ıslamısterge jaýap retinde ultjandy qazaq jastary musylmandyqtan shyǵyp, ózderin agnostık nemese "Táńirge oraldyq" dep jarıalaýda. Bılik úshin osy máseleni ýshyqtyrmaı tezirek retteý qajettiligi týyndady.
