"Nur-Muqasan" tobynyń jańa múshesi Ǵalymjan Súleimen toptyń burynǵy ánshisi, tanymal juldyz Muqasan Shahzadaevtan ońbai taiaq jegenin aitty. Bul jaǵdaiǵa bailanysty Dalanews.kz top múshesi Nurlan Qonysbaevtyń pikirin surap habarlasty.
Nurlas Qonysbaev daýly oqiǵaǵa pikir bildirýden bas tartyp, zańger Inga Imanbaiǵa habarlasý kerek ekenin aitty.
Zańger Inga Imanbaidyń aitýynsha, Ǵalymjan Súleimendi alda ota kútip tur.
"Muqasan Shahzadaev tarapynan aiaýsyz soqqyǵa jyǵylǵan qorǵaýymdaǵy azamat – tanymal ánshi ári akter Ǵalymjan myrzamen kezdestim. Onyń qazirgi jaǵdaiy óte aýyr. Dárigerler qolynyń synǵanyn, murnynyń synǵanyn, betiniń qatty isip-kógergenin rastady. Aldaǵy kúnderi murnyna jaraqattan keiingi kúrdeli ota jasalmaq. Bul tek densaýlyqqa kelgen ziian emes. Bul – adamnyń ómirine, eńbegine, shyǵarmashylyǵyna jasalǵan qastyq. Ǵalymjan myrza dál qazir túsirip jatqan filminiń jumysy toqtap tur. Onyń kesirin 40 adamnan turatyn bútin bir kino toby tartyp otyr. Sebebi bet-álpeti qatty jaraqattanǵan adam kamera aldyna shyǵýǵa jaramaidy. Bul – naǵyz masqara jaǵdai. Eń soraqysy – mádeniet salasynyń ókilderi óz áriptesin jabylyp uryp, esinen tandyryp jibergeni. Bul – óner adamyna ǵana emes, jalpy qoǵamǵa jasalǵan jabaiylyq, adamshylyqtan bezgen áreket", - dedi advokat.
Eske salaiyq, keshe tanymal ánshi Muqasannyń ústinen qylmystyq is qozǵalǵany belgili boldy.
22 qarashada Naýryzbai aýdandyq politsiia basqarmasyna jergilikti turǵyn azamat M. jáne ózge de birneshe tulǵalar tarapynan oǵan dene jaraqatyn salý deregi boiynsha aryzben júgingen.
"Bul derek boiynsha qylmystyq is qozǵaldy. Oqiǵanyń barlyq mán-jaiyn anyqtaýǵa baǵyttalǵan keshendi tergeý is-sharalary júrgizilip jatyr. Tergeý nátijeleri boiynsha Qazaqstan Respýblikasynyń zańnamasyna sáikes tiisti sharalar qabyldanady", - dep jazylǵan Almaty qalasy Politsiia departamentiniń baspasóz qyzmeti habarlamasynda.
Buǵan deiin istiń mán-jaiyn jazǵan edik. Ǵalymjan Súleimenniń aitýynsha, daýdyń bári top oryndaǵan ánnen shyqqan. Máseleni sheshý úshin Ǵalymjan esimdi ánshi Shahzadaevtyń úiine barǵan. Alaida soqqyǵa jyǵylǵan. "Politsiia Muqasandy emes, meni alyp ketti" deidi. Al qazir "Nur-Muqasan" tobynyń múshesi zańgerlerdiń kómegine júginip, "jýan judyryqty" ánshini jaýapqa tartqysy keledi.
