Almatyda Nurlan Kapparov Fellowship paneldik sessiiasy ótti. Bul Garvardtyń Kennedi atyndaǵy Memlekettik basqarý mektebinde (HKS) bedeldi bilim alý máselesin qamtýǵa baǵyttalǵan stýdentterge, mektep túlekterine arnalǵan áleýmettik-bilim berý is-sharasy. Is-sharaǵa Almaty ákimi Erbolat Dosaev qatysty.
HKS magistratýra baǵdarlamalaryna túsken Qazaqstan men Ortalyq Aziiadan kelgen talapkerler úshin 2003 jylǵy túlek, memleket qairatkeri jáne biznesmen Nurlan Qapparovty eske alýǵa arnalǵan stipendiia belgilendi.
«Búgin Nurlan ómirden ótkennen keiin bir jyldan soń, 2016 jyly júzege asqan Nurlan Qapparov atyndaǵy stipendiialyq baǵdarlamanyń úlken tusaýkeseri. Osy ýaqyt ishinde biz Nurlannyń ómirindegi joǵary qaǵidattarǵa - adamdarǵa kómektesý, olarǵa múmkindik berý jáne óz jolyn tabý úshin ne isteý kerektigin oiladyq. Stipendiialyq baǵdarlamanyń ózi biregei jáne Ortalyq Aziiadaǵy jalǵyz baǵdarlama. Atalǵan baǵdarlamaǵa Garvard ýniversitetiniń ózi qoldaý kórsetip otyr, óitkeni Nurlan Qapparov osy oqý ornynyń túlegi ári qurmet pen qoshametke ie. Baǵdarlama barynsha ashyq, eń úzdikterdi Garvardtyń qabyldaý komissiiasy tańdaidy. Barlyǵynyń múmkindikteri birdei. Sizderge aitarym, qashanda oqýǵa umtylyp, jańa bilim alyp, tájiribe jinaqtaý qajet. Bular ómirde senimdi júrýge kómektesedi», - dedi Erbolat Dosaev.
Stipendiia Qazaqstan men Ortalyq Aziiadan emtihan tapsyrýǵa jiberilgen talapkerler arasynda Kennedi atyndaǵy Memlekettik basqarý mektebin irikteýdiń barlyq tiisti kriteriilerine jaýap beretin jáne HKS magistratýra baǵdarlamalarynyń birine qabyldanatyndarǵa konkýrstyq, baǵalaý negizinde beriledi.
«Nurlan bilimniń strategiialyq mańyzdy investitsiia ekenine, onyń ekonomikalyq ósýge yqpal etetinine sendi. Nurlan árdaiym jastardy qoldap, ár bala jaqsy, sapaly bilim alýǵa laiyq dep eseptedi. Sondyqtan biz Garvard Kennedi mektebinde magistranttarǵa arnalǵan stipendiialyq baǵdarlama qurýdy sheshtik. Qazir segiz adam bilim aldy, endi biz óskeleń urpaqty shabyttandyrǵymyz keledi, armandaǵan bilimniń shyndyqqa ainalýy múmkin ekenin aitqymyz keledi, sondyqtan biz ashyq paneldik sessiia uiymdastyrýdy jón kórdik», – dedi Kennedi atyndaǵy Garvard memlekettik basqarý mektebinde Nurlan Qapparov qorynyń jáne stipendiianyń negizin qalaýshy Gaýhar Qapparova.
Ár jyldardaǵy NK Fellowship laýreattary dárister men prezentatsiialar ótkizdi, barlyq niet bildirýshiler HKS ókilderinen jaýap ala aldy. Sondai-aq, paneldik sessiia qatysýshylaryna Nurlan Qapparovtyń ómiri men oqý tarihyn kórsetetin rolik usynyldy.
