Mańǵystaý oblysynyń ákimi Nurdáýlet Qilybai Shaiyr aýylyndaǵy aitystan keiin synǵa ushyraǵan aqyn Maqsat Aqanovqa qatysty pikir bildirdi, dep habarlaidy dalanews.kz.
Buǵan deiin Maqsat Aqanovtyń aitys kezindegi sózi men sahnadaǵy áreketi áleýmettik jelide qyzý talqylanǵan edi. Osy jaǵdaidan keiin Halyqaralyq Aitys aqyndary men jyrshy-termeshiler odaǵy ony aldaǵy alty ai boiy ózderi uiymdastyratyn aitystarǵa qatystyrmaý týraly sheshim qabyldaǵan.
Nurdáýlet Qilybai bul jaǵdaidy jan-jaqty zerttemegenin aityp, aqynnyń áreketine qatysty óz ustanymyn jetkizdi.
"Maqsat talantty jigit. Ekiniń biri aqyn bola almaidy. Naqty zerttep kórgen joqpyn, dóreki sóilep, til tigizgen degendi estidim. Báriniń atynan jaýap bere almaimyn. Maqsat sahnada synap, qaljyńǵa ainaldyrǵan bolsa, keshirer edim. Jeke óz basyma til tigizgen bolsa, bir talanty úshin ony keshirer edim", – dedi Nurdáýlet Qilybai.
