Kisi qolynan qaza tapqan Nurai Serikbaidyń isi boiynsha apelliatsiialyq sot otyrysynyń ótetin kúni jariialandy, dep habarlaidy dalanews.kz.
Marqumnyń aǵasy Sultan Serikbaidyń málimetinshe, apelliatsiialyq sot 24 qyrkúiek kúni saǵat 10:00-de ótedi. Sot otyrysy Shymkent qalalyq sotynyń ǵimaratynda uiymdastyrylady.
Eske salaiyq, 13 tamyzda Shymkentte 21 jastaǵy Nurai Serikbaidyń ólimine qatysty rezonansty sot protsesi aiaqtaldy. Sot Sherhan Aimahandy ómir boiyna bas bostandyǵynan aiyrý jazasyna kesti.
Nurai Serikbai 2026 jylǵy 11 qańtarda Shymkentte qaza tapqan. Tergeý nusqasyna sáikes, Sherhan Aimahan boijetkendi buǵan deiin nekege turýǵa májbúrleý maqsatynda alyp qashqan, al Nurai odan bas tartqannan keiin ony qýdalaýyn jalǵastyrǵan.
Is materialdarynda aiyptalýshynyń qyzǵa birneshe ret qońyraý shalǵany aityldy. Tergeý derekterinde bir joly ol nebári bir jarym saǵatqa jetpeitin ýaqyt ishinde Nuraiǵa 76 ret habarlasqany kórsetilgen.
Qaiǵyly oqiǵa bolǵan kúni Sherhan Aimahan Nurai Serikbaiǵa 35 ret pyshaq jaraqatyn salǵan. Boijetken alǵan jaraqattarynan oqiǵa ornynda kóz jumdy. Qylmystan keiin kúdikti boi tasalap, eki táýlikten soń ustalǵan.
