Almaty oblysyna qarasty Nura aýylynda №12 orta mektep ǵimaratyn jer silkinisine qarasy seĭsmikalyq kúsheĭtý jumystary júrgizilýde, – dep habarlaidy Dalanews.kz Almaty oblysy ákiminiń baspasóz qyzmetine silteme jasap.
Meketeptiń seĭsmikalyq kúsheĭtý jumystary aǵymdaǵy jyldyń mamyr aĭynyń sońyna josparlanǵan bolatyn. Kestede bekitilgen ýaqyttan keshigýine baĭlanysty aýyl turǵyndary arasynda suraqtar týyndaǵan.
Máseleni sheshý úshin, qazirgi kezde kúrdeli jóndeýden ótip jatqan mektep ornyna Almaty oblysy ákimi apparatynyń basshysy Mádiǵulov Murat Bahytkerimuly, Talǵar aýdanynyń ákimi Tanat Esenkeldiuly Aĭdarbekov, Almaty oblysynyń qurylys basqarmasynyń basshysy Qurmanǵaliev Muǵamedǵarip Niiazuly, Almaty oblysynyń ishki saiasat basqarmasynyń ókilderi jáne aýdandyq bólimder bardy. Odan basqa atalǵan oblystyq jáne aýdandyq deńgeĭdegi basshylar turǵyndarǵa túsindirme jumystaryn júrgizdi.
Jergilikti bilik ókilderi, merdiger jáne aýyl turǵyndarymen biregeĭ kezdesý ótti. Tolyqtaĭ túrde túsindirme jumystary júrgizilip, nátijesinde jumysty jalǵastyrý jáne qysqa merzimde aiaqtaý jóninde ózara kelisim jasaldy.
2023 jyly atalǵan mektepte kúrdeli jóndeý bastalyp, oǵan biýdjetten 1,1 mlrd teńge bólingen-di. Merdiger "SHEBERBUILD" JShS bolyp tanylǵan.
Alaida, jóndeý jumystarynyń uzaqqa sozylýyna bailanysty jáne 2024 jyldyń 27 aqpanynda Talǵar aýdanynyń bilim bólimi merdigerdi merzimderin buzdy dep aiyptap, sotqa berdi. 27 mamyrda Almaty oblysynyń mamandandyrylǵan aýdanaralyq ekonomikalyq soty "SHEBERBUILD" JShS-ni memlekettik satyp alýlardyń jaýapsyz merdiger qatysýshysy dep tanydy. Sheshim áli zańdy kúshine engen joq.
Sot protsesterine qaramastan, mektepti jóndeýdi qarjylandyrý jalǵasýda. Maýsym aiynda merdigerge 94,1 mln teńge aýdaryldy.
– Mektepti jóndeý jaǵdaiy ákimdik tarapynan erekshe baqylaýda. Barlyq jumystar tamyz aiynda aiaqtalady dep josparlanýda. Balalar 1 qyrkúiekte mektepke barýy kerek, – dedi Almaty oblysy ákiminiń baspasóz hatshysy Janna Arynbekova.
