Memleket basshysy halyqqa Joldaýynda shaǵyn jáne orta biznes - qala men aýyldy damytýdyń berik negizi ekenin atap ótti.
Elorda ákimi A. Kólginovtyń aitýynsha, otandyq biznesmender áleýmettik nysandardyń ashylýyna erekshe kóńil bóle bastady.
"Qalada jeke menshik balabaqshalar sany artyp keledi, qazir bizde 213 jekemenshik balabaqsha, 14 jekemenshik emhana, 23 myńǵa jýyq oqýshy ornymen qamtamasyz etip otyrǵan mektep bar, - dedi A. Kólginov.
Qala ákimdigi "Atameken" UKP-men birlesip biznesmender "bir tereze" qaǵidaty boiynsha barlyq qajetti qyzmetterdi ala alatyn "bizneske arnalǵan úkimet" alańyn iske qosýdy josparlaýda.
Áleýmettik kásipkerlikti damytý úshin "1000 oryn – kóshe saýdasy" jobasy tabysty jumys isteýde.
Joba aiasynda 1,5 myńnan astam jumys orny ashylyp, 1 mlrd-tan astam jeke investitsiialar tartyldy.
"Atameken" óńirlik palatasynyń direktorynyń aitýy boiynsha " 1000 saýda orny "jobasyna qatysý úshin áleýmettik osal toptar úshin saýda núktelerin beredi.
Sońǵy 10 jylda ShOB sýbektileriniń sany 5 ese ósti, bul salada halyqtyń 60% - ǵa jýyǵy jumyspen qamtylǵan. Ónim shyǵarý kólemi 800 mlrd teńgeden 5 trln teńgege deiin ósti. Biznes ókilderimen kezdesýler júieli túrde ótedi. Qala ákimi kásipkerlerdi "bizneske arnalǵan úkimet"alańynda jeke qabyldaidy.
