Forým jumysyna QR BǴM, jergilikti atqarýshy organdar, BAQ ókilderi, bilim berý júiesiniń basshylary men mamandary, personaldy oqytý jáne damytý salasyndaǵy mamandar, qoǵamdyq uiymdar, bilim berý mekemeleriniń pedagogtary qatysty.
Is-sharaǵa qatysýshylar Nur-Sultan qalasynyń bilim berý júiesin damytýdyń strategiialyq baǵyttaryn, osy salany damytýdyń perspektivalaryn talqylady. Forýmnyń ótetin orny kezdeisoq tańdalǵan joq. Oqýshylar saraiy elimizdiń Tuńǵysh Prezidenti – Elbasy Nursultan Nazarbaevtyń bastamasymen 2011 jyly Qazaqstan Táýelsizdiginiń 20 jyldyǵyna orai salynǵan bolatyn.
– Táýelsizdik Elbasy Nursultan Nazarbaev aitqandai, Qazaqstan azamattarynyń eń úlken syiy. Táýelsizdiktiń 30 jyly ishinde elimiz kóptegen synaqtardan ótip, damýyn senimdi túrde jalǵastyryp keledi. Bilim berý salasynyń ókilderi bul baǵytta zor kúsh-jiger jumsady, – dedi QR Májilisiniń depýtaty Ámirhan Raqymjanov.
Forýmda innovatsiialyq bilim berý jobalary, baǵdarlamalar men tehnologiialar tanystyryldy. Úzdik bilim berý uiymdary men pedagogikalyq ujymdar óz jumystaryn usyndy.
– Biz búgin bilim berý júiesindegi reformalardy qorytyndylaýǵa jinaldyq. Búgin bilim salasynyń ardagerlerimen bas qosyp otyrmyz. Úlken jumystar júrgizildi. Qazir elordamyzdaǵy oqýshylardyń ózi Tselinograd tusyndaǵy turǵyndardan asyp túsedi. Qazir elordamyzda 3 jastan 6 jasqa deiingi 200 myńnan astam bala bar. Olardyń úiirmelerde tegin ainalysýyna múmkindik jasalǵan, – dedi Nur-Sultan qalasynyń bilim berýdi jańǵyrtý ortalyǵynyń direktory Sabyrjan Madeev.
– Koronavirýstyq pandemiiaǵa bailanysty búkil álemde bilim deńgeii tómendedi. Alaida, qiyndyqtyń artynda jaqsylyq kútip turatynyn bilemiz. Onlain formatqa kóshýdiń nátijesinde birneshe jyl boiy kompiýterlik baǵdarlamalardy oqyǵan muǵalimder azdaǵan ýaqytta IT mamany bolp shyǵa keldi. Ata-analar ustazdardyń qadirin túsindi, al oqýshylar partada otyryp bilim alýdyń artyqshylyǵyn túsindi. Endi jańa daǵdylardyń arqasynda aýyryp qalǵan balalar oqý baǵdarlamasynan qalyp qalmaidy. Olar onlain rejimde oqityn bolady, – dedi Sabyrjan Madeev.
Aita ketý kerek, forým sanitarlyq normalardy saqtai otyryp ótti. Al pedagogterdiń basym bóligi onlain rejimde qatysty.
