Balalarmen arnaıy oqytylǵan nusqaýshylar shuǵyldanady, sabaq úshin tek jýas attar alynady dep kútilýde. Búginde Nur-Sultanda erekshe qajettilikteri bar 5 myńnan astam bala bar.
Elimizdiń at sporty Federasıasynyń Paralımpıadalyq at sporty Departamentiniń dırektory Elena Chernıkovanyń aıtýynsha, ıppoterapıa kýrsynan keıin balalardyń densaýlyq jaǵdaıy aıtarlyqtaı jaqsaratynyn atap ótti.
– Ippoterapıa ońaltýdyń birneshe túrin biriktiredi: bul emdik dene shynyqtyrý, massaj, balalardy áleýmettik jáne psıhologıalyq beıimdeý. Bul jerde bala ońaltýdan ótip jatqanyn túsinbeıbi, sebe ol dári tamyzǵyshtar men dárigerlerdi kórmeıdi. Ortalyqqa bala jylqyǵa miný úshin, oınaý úshin keledi. Kýrstan keıin, múlde júrmegen balalar óziniń alǵashqy qadamdaryn jasap, óz betimen arqasyn ustaı alatyn dárejege jetedi, – dedi E. Chernıkova.
Áleýmettik joba elimizdiń basqa óńirlerinde 10 jyldan astam jumys isteıdi. Ippoterapıaǵa elimizdiń ár óńirinen balalar keledi. Uıymdastyrýshylardyń aıtýynsha, ońaltý kýrsynan keıin kóptegen balalar at sportymen aınalysyp, sporttyq jarystarda medaldarǵa ıe bolǵandary da bar.
Qala ákimi Altaı Kólginov ıpodrom bazasyn úsh baǵyt boıynsha damytý qajettigin atap ótti: ıppoterapıa, ulttyq jáne klasıkalyq sport túrlerin ótkizý jáne daıyndaý, sondaı-aq týrısik marshrýttar.
Budan basqa, elorda da erekshe qajettilikteri bar azamattar úshin eki ońaltý ortalyǵy salynady. Jańa turǵyn úı keshenderiniń birinshi qabattarynda emhana, balabaqsha, ońaltý ortalyqtary, polısıanyń tirek pýnkti sıaqty áleýmettik nysandar ashylady.
