Elorda ákimdiginiń málimetinshe, ótken táýlikte elordada koronavirýsty juqtyrýdyń 800-den astam jaǵdaiy tirkeldi. Nur-Sultandaǵy epidemiologiialyq jaǵdaidyń kúrt nasharlaýy sebepti karantin taǵy da kúsheitiledi. Karantindik talaptardyń saqtalýyn anyqtaityn monitoringtik toptardyń jumysy kúsheitilip, táýlik boiǵy rejimge aýystyryldy.
Eger meiramhanalarda/kafelerde jáne basqa da mekemelerde is-sharalar ótkizilse, ol nysannyń jumysy toqtatylatyn bolady.
Sonymen qatar, 4 shildeden bastap "Ashyq" jobasy boiynsha jumys isteitin tamaqtaný oryndarynyń (meiramhanalar, kafeler) ýaqyty 02:00-den 22:00-ge deiin (jabyq jerlerde), al syrtta, iaǵni esik aldynda jumys isteitin tamaqtaný oryndarynyń ýaqyty 02:00-den 00:00-ge deiin qysqarady.
Sondai-aq, jeksenbi kúnderi qoǵamdyq kóliktiń jumysy toqtatylady. Bul kúni avtobýstar dezinfektsiialanady.
"Ashyq" jobasyn qoldanbaityn fitnes-ortalyqtardyń (ioga ortalyqtary, t.b.) jumysy aptanyń barlyq kúninde de toqtatylady. Al Ashyq jobasy boiynsha isteitin fitnes-ortalyqtar (ioga ortalyqtary, t.b.) dúisenbi-juma kúnderi jumys istese, demalys kúnderi toqtatylady.
Qalada qatań karantindik sharalardy engizbes úshin ujymdyq immýnitetti damytý qajet. Al ujymdyq immýnitettiń úlesi 60%-dan asýy tiis. Qazir qalada vaktsinanyń birinshi komponentin 229 myńnan astam adam aldy. Meditsina qyzmetkerleriniń 90%-dan astamy, al kommýnaldyq qyzmetkerlerdiń 70%-dan astamy koronavirýsqa qarsy egildi.
Vaktsinatsiia ǵana óz densaýlyǵyńyzdy, jaqyndaryńyz ben ainalańyzdaǵy jurttyń densaýlyǵyn qorǵaýǵa múmkindik beredi.
Esterińizge sala keteiik, 2 shildeden bastap qalanyń bas memlekettik sanitarlyq dárigeri Sarhat Beisenovanyń elorda kúnine arnalǵan buqaralyq is-sharalarǵa tyiym salý týraly qaýlysy kúshine enedi. Jabyq mekemelerdegi is-sharalardyń bárine tyiym salynady (Ashyq jobasynyń tártibi boiynsha teatrlardyń 20%-dan aspaityn tolýyn esepke almaǵanda).
Sondai-aq saiabaq aýmaǵynda ornalasqan ashyq aýadaǵy attraktsiondardyń barlyq túriniń jumysyna tyiym salynady.
