Bıylǵy jyly astanany «Qaıyrymdy qala» atty uranmen bezendirýdiń biryńǵaı tujyrymdamasy ázirlendi.
Elimizdiń basty shyrshasynyń jaǵylýy kele jatqan 2020 jyl – Eriktiler jylymen baılanysty. Sonymen qatar, atalmysh sharada «Qaıyrymdy qala» atty jańa án kórermen nazaryna usynylady.
Úshinshi jyl qatarynan elimizdiń bas shyrshasy elordanyń kórikti jerleriniń biriniń aldynda jaǵylýda. Saltanatty rásimge qalanyń barlyq mektepteriniń oqýshylary men ata-analary shaqyryldy.
EXPO kórmesiniń aýmaǵynda kishkentaı kórermender úshin anımatorlar men ár alýan qýyrshaqtar óner kórsetetin bolady. Bas shyrshanyń aldyndaǵy aýmaq jańajyldyq kishi arhıtektýralyq nysandarmen bezendirilgen, sondaı-aq aýmaqta muz aıdyny men syrǵanaq tóbeshikter ornatyldy.
Saltanatty rásim ártisterdiń qatysýymen ótetin konserttik baǵdarlamamen súıemeldenetin bolady. Astanalyq kórermenderge arnalǵan oıyn-saýyq baǵdarlamasy saǵat 18:00-de bastalsa, jańajyldyq shyrsha saǵat 19.00-de jaǵylady. Elimizdiń bas shyrshasynyń bıiktigi – 25 metr. Sol ýaqytta bas shyrshamen birge qalanyń ártúrli aýdandarynda ornatylǵan barlyq jańajyldyq shyrshalar jaǵylady.
