Osynaý forýmǵa Aziia men Eýropanyń 84 memleketinen parlament basshylary, 14 halyqaralyq jáne parlamentaralyq uiymdardyń jetekshileri at shaldyryp keldi.
Bul jolǵy jiynnyń ereksheligi – forým Elbasy Nursultan Nazarbaevtyń Eýraziialyq integratsiia týraly ideiasynyń 25 jyldyǵymen tuspa-tus kelip otyr.
Qazaqstannyń basty ustanymy – Eýraziia elderi arasynda bolatyn qarama-qaishylyqtarǵa, sonymen qatar jahandyq qaýip-qaterlerge qarsy birlese áreket etý.
Kezdesýge Qazaqstannyń Tuńǵysh Prezidenti – Elbasy Nursultan Nazarbaev ta qatysyp, elimizdiń táýelsizdik alǵan jyldardaǵy jetistikterine toqtalyp ótti. Nazarbaev elimiz osy ýaqyt ishinde damyǵan 50 eldiń qataryna qosylyp, jalpy ishki ónim 18 ese óskenin jáne respýblika ekonomikasynyń kólemi Ortalyq Aziia elderiniń jalpy ishki óniminen 2 ese asyp túskenin atap ótti.
Sonymen qatar zań shyǵarýshy organdardyń ózara yntymaqtastyǵyn tilge tiek etti.
- Osy keńestiń tabysty jumys isteýine barshamyz múddelimiz. Kelgenderińizge rizashylyǵymyzdy bildiremiz. Biz zań shyǵarý organynyń qyzmetine erekshe mán beremiz. Qazaqstan depýtattary sheteldik áriptesterimen keń kólemdi bailanys ornatyp, memleketaralyq dostyqty nyǵaita tústi. Elderimizdiń joǵarǵy organdarynyń depýttary Eýraziiada yntymaqtastyq aiasyn odan ári keńeitedi dep senemin, – dedi Elbasy.
