«Nur Otan» partiiasy Baiqońyr aýdandyq filialy tóraǵasynyń birinshi orynbasary Muhamedjan Bolysbektiń aitýynsha, Táýelsizdik jyldarynda Memleket basshylary el halqyna 24 Joldaýyn jariialady.
«Qoǵam ózi ómir súrip jatqan ýaqyt talabyna sai ózgerýi kerek. Zamanaýi qoǵam jańasha oilaýdy talap etedi. Eger ótkenge kóz júgirter bolsaq, birinshi joldaý 1997 jyly boldy.
Sodan beri Memleket basshylary 24 ret joldaý úndepti. Olardyń árqaisynyń óz baǵyty bar. Biylǵy Joldaýdyń negizgi baǵyty quqyqty jáne qaýipsizdikti qamtamasyz etý, qarqyndy damyǵan jáne inkliýzivti ekonomika, áleýmettik jańǵyrýdyń jańa kezeńi. Men qazirgi biliktiń ashyqtyǵy, qoljetimdiligi men tiimdiligin atap ótkim keledi», - dedi M.Bolysbek.
«Nur Otan» partiiasy Baiqońyr aýdandyq filialy tóraǵasynyń birinshi orynbasary mysal retinde HQKO-nyń jumysyn ońtailandyrý, onyń ishinde kez kelgen memlekettik qyzmetti úiden shyqpai-aq onlain alýǵa bolatynyn atap ótti.
Muhamedjan Bolysbek munyn barlyǵyn tiimdi jáne nátijeli qyzmetpen zamanaýi qoǵam qurýǵa degen talpynyspen bailanystyrdy.
«Prezident memleketti nyǵaitý, otandyq biznesti qoldaý, áleýmettik qorǵaý jáne ekonomikalyq damýǵa erekshe toqtaldy. Memleket basshysy áleýmettik salaǵa kóp kóńil bóledi. Sondai-aq ol áleýmettik-ekonomikalyq damýdyń negizgi joldaryn usyndy. Buǵan qosa, Prezident mitingterdi uiymdastyrý tártibin jańǵyrtýdy mańyzdy dep esepteidi. Eger beibit sherýler zańdy buzbasa jáne azamattarymyzdyń tynyshtyǵyna kedergi keltirmese, túsinistikpen qarap ony ótkizýge arnaiy oryn bólý kerek, ári ol qalanyń shetinde bolmaýy tiis. Sherýler zań sheńberinde ótetin bolady», - dedi Muhamedjan Bolysbek.
Prezident Joldaýynda aýyr qylmys úshin jazany kúsheitý, ishki ister organdaryn reformalaý jáne t.b. mańyzdy máseleler aityldy. Aita keteiik, 2020 jyly Volonterler jyly dep jariialandy. Osyǵan orai «Nur Otan» partiiasy birqatar jobalardy iske qosady, ári oǵan qatysqysy keletinderdiń barlyǵyn shaqyrady.
