Qalalyq qyzmettermen birge dezinfektsiiaǵa qarýly kúshterdiń biologiialyq qorǵaý bólimsheleri men áskerge shaqyrylǵandar da qatysady.
– Memleket Basshysy Qasym-Jomart Kemeluly Toqaevtyń tapsyrmasyna sáikes dezinfektsiia jumystary kúsheitildi. Jumys táýlik boiy júrgizilip jatyr. Barlyq aýdandar qamtyldy. Arnaiy tehnika jumyldyryldy, onyń ishinde Qorǵanys ministrliginiń, Tótenshe jaǵdailar departamentiniń mashinalary da bar.
Áleýmettik nysandar, bazarlar, saýda oiyn-saýyq ortalyqtary, trotýarlar, úi ishi aýmaqtary men kireberister, joldar dezinfektsiialanyp jatyr. Avtokólikter de infektsiiany tarata alady. Demek, joldardy da arnaiy eritindimen óńdeý mańyzdy, – dedi qala ákiminiń orynbasary Altynbek Qaisaǵaliev.
Dezinfektsiia jumystary jeke sektordy da qamtidy. 2800-den astam turǵyn úi kesheni úshinshi ret óńdelip jatyr. Qalada júrip jatqan abattandyrý jumystary – qorshaýlardy, metall qurylymdardy, joldardy jýý - dezinfektsiia jumystaryna kómektesýde. Elorda ákimi Altai Kólginovtiń tapsyrmasyna sáikes karantin kezinde jumys atqaryp jatqan kommýnaldyq qyzmetkerler syiaqy alady. 1 qańtardan bastap qyzmetkerlerdiń ailyǵy ósti, syiaqy berildi.
