Memleket basshysy Qasym-Jomart Toqaev elordany odan ári damytý jónindegi májiliste joldarda jaraqat alý men ólimdi azaitý maqsatynda qozǵalysty basqarý deńgeiin kóterý úshin júieli sharalar qabyldaýdy tapsyrǵan bolatyn. Osyǵan orai, politsiia departamentiniń bastyǵy Erjan Sadenov jol-kólik oqiǵalaryn azaitý úshin, eń aldymen, bilim berý nysandary mańynda jol belgileri, aqparattyq taqtalar, jasandy soqqylar jáne jaiaý júrginshilerge tosqaýyldar qoiylǵanyn atap ótti.
Máselen, sary jáne jasyl signaldardyń jypylyqtaityn ýaqytyn 3-ten 5 sekýndqa deiin arttyrý apattardy 16%-ǵa deiin azaitýǵa múmkindik beredi. E.Sadenov sonymen qatar joldarda shýyl jolaqtardy jáne bollardtardy (kólikterdiń aýmaqqa kirýine kedergi keltiretin arnaiy jabdyqtar) ornatý, joldardyń jekelegen ýchaskelerinde jyldamdyqty shekteý jáne baǵdarshamǵa jaqyndaǵanda trotýarlardy abattandyrý ideialaryn usyndy. Sonymen qatar velosiped ótkelderine jáne keri qozǵalysqa toqtady.
– Keri qozǵalystyń arqasynda kólikpen jandanǵan kóshelerdi jeńildetýge bolady. Mysaly, eger tańerteń kóliktiń negizgi aǵyny bir baǵytta, al keshke – basqa baǵytta qozǵalatyn bolsa, onda ádette, qarama-qarsy jolaqtar bos bolady. Olardy qajetti baǵytty durys tańdap qoldanýǵa bolady, – dedi E.Sadenov.
Zańdy buzýshylar jalpy somasy 800 million teńgeden asatyn 60 myń zańbuzýshylyq jasaǵan. 10 júrgizýshi jasaǵan 214 jol qozǵalysy oqiǵasynyń 51%-y bir quqyq buzýshyǵa tiesili.
Qala ákimi Altai Kólginov jol erejelerin buzýdy jazasyz qaldyrýǵa bolmaidy, óitkeni jazasyzdyq qaterli jaǵdailarǵa ákelýi múmkin ekenin alǵa tartty. Kóshedegi qaýipti ýchaskelerde 13 baǵdarsham, 10 jaiaý júrginshi ornatyldy, baǵdarsham tirekteri jaryqtandyryldy.
– Aldyn alý sharalary nátije beredi. Bul birden kórinedi. Sonymen qatar azamattardyń ózderiniń jol júrý mádenieti bolý kerek. Mańyzdylyqty túsinýi kerek. Azamattardyń qaýipsizdigi – biz úshin basty basymdyq. Barlyq baǵytta jumysty kúsheitý kerek. Aiazdar alda, avtobýstar arasyndaǵy júrý ýaqyty uzaq bolmaýy kerek, barlyq jyly aialdamalar jumys isteýi kerek, kóshe jaryǵy men belgileri joq jerlerde qysqa merzimde ornatý kerek, – dedi A. Kólginov.
Qala ákimi jol qaýipsizdigi boiynsha jobalardy iske asyrar aldynda qala turǵyndarymen kezdesip, usynystary men suranystaryn tyńdap, josparlap, iske asyrý kerektigin atap ótti.
