Taiaýda messendjerlerde Nur-Sultan qalasynda páterlerdi kezeksiz alyp jatqany týraly jalǵan aqparat taraǵan. Shyndyǵynda kezeksiz páter berý qarastyrylmaǵan. Áleýmettik baspana kezekte turǵan azamattarǵa zań sheńberinde tek kezek boiynsha berilýde.
Aǵymdaǵy jyldyń aqpan aiynda memlekettik organdar men turǵyndar arasynda kommýnikativti vakkým qalyptasqany jasyryn emes. Bul máseleni sheshý úshin qalalyq ákimshilik qoǵamdyq qabyldaýlardyń qyzmet sapasyn jaqsartýǵa múmkindik beretin kontseptýaldy sharalardy qabyldaǵan-dy.
Búgingi tańda ákimdiktiń negizgi qyzmeti halyqpen keri bailanysty nyǵaityp, azamattyq qoǵammen tolyqqandy ózara bailanys ornatyp úlgerdi.
Aitalyq, elordada áleýmettik jelilerde «keri bailanys» ornatylyp, «Januia» jáne iKomek ortalyqtary jumys ister tur. Sonymen birge qala ákiminiń janynda qoǵamdyq qabyldaý tiimdi qyzmet atqarýda.
– Aǵymdaǵy jyldyń maýsym aiynan bastap ár apta saiyn qala ákim, onyń orynbasarlary, aýdan ákimderi men memlekettik organdar basshylarymen turaqty túrde azamattardy qabyldaýda. Atap aitqanda, ákimniń qoǵamdyq qabyldaýy bastalǵan ýaqyttan bastap, 29 maýsymnan búginge deiin A.Kólginov qalanyń 500-den astam turǵynyn qabyldady.
Onda 1347 ótinim boiynsha másele kóterilip, 89%-y keshiktirilmei sheshimin tapty. Sondai-aq, orynbasarlarymen 1,4 myńnan asa, aýdan ákimderi men basqarma basshylary 2,5 myńnan asa elorda turǵynyn qabyldady, – dedi E.Beisenbaev.
Turǵyndardan túsetin shaǵymdarda kóbi turǵyn úi, bilim, nesielik qaryzdy óteý, densaýlyq saqtaý, jumyspen qamtý, materialdyq kómek, abattandyrý, TKSh, joldarǵa qatysty bolyp keletini málim boldy.
Búginde «Januia» otbasyn qoldaý ortalyǵy 70-ten asa memlekettik qyzmetti biriktirip, bir tereze qaǵidasy boiynsha azamattarǵa kómek kórsetýde. shylǵan kúnnen bastap oǵan 4,5 myńnan asa adam júginip, 8,5 myń másele kótergen. Onyń 6,5 myńy boiynsha júieli keńester berilip, 2 myńǵa jýyǵy sheshimin tapqanyn aita ketýimiz kerek. Budan basqa bas qalada aýdan ákimdikterimen «Open Akimat» printsipi engizilip, onyń sheńberinde ashyq esik kúnderi ótkizilýde. Oǵan elordanyń myńnan asa turǵyny qatysty.
