Turǵyn úı keshenin «Nurly jer» baǵdarlamasy aıasynda «Elorda qurylys kompanıasy» salyp bitiretin bolady.
Munda sońǵy kelgen ýaqyttan beri jobaǵa túzetýler engizilip, úıge tehnıkalyq tekserý jumystary júrgizilip, ınjenerlik jelileri boıynsha joba memlekettik sarpatamada qaralýda.
Qurylys mamandarynyń aıtýynsha, lıftilerdi ornatý boıynsha qalqa-qorshaýlaryn bólshekteý jumystary júrgizilip jatyr.
– Áýel basta joba boıynsha 5 qabatty úı salý josparlanǵandyqtan munda lıfti qarastyrylmaǵan, lıftini ózimizdiń qazaqstandyq kompanıadan satyp alamyz, sonymen qosa terezelerin aýystyramyz. Al kóktemde úıdiń ishki árleý jumystaryna kirisemiz, – dedi qurylys júrgizýshi.
Qala ákimi Altaı Kólginov qys túskenge deıin barlyq esikteri men terezelerin jaýyp, úı tóbesiniń jabynyn bekitý kerektigin aıtty. Tapsyrý merzimi – 2020 jyl. Qalada barlyǵy qurylysy aıaqtalmaǵan 51 obekti (76 úı) bar. Osy jyldyń sońyna deıin tapsyrylatyn úılerdiń sany 10-ǵa jetedi.
