Nur Otan tótenshe jaǵdai rejimi kezinde óńirlerdegi azamattarǵa kómektesýde
Máselen, jasotandyq eriktiler jergilikti bilikke qalalardy tazartý men ǵimarattardy qalpyna keltirýge kómektesýde. Óńirlerdegi partiia músheleri tártipsizdikterden zardap shekkender úshin qan tapsyrýda.
Osy kúnderi filialdar men belsendi partiialyqtar politsiia men áskeri qyzmetkerlerge qala kósheleri men blokbeketterde ystyq tamaq uiymdastyrdy. Tek Almatynyń ózinde nurotandyqtar qalanyń barlyq aýdany boiynsha muqtaj azamattarǵa 30 mln teńge kóleminde kómek kórsetti. Birqatar óńirlerde alǵashqy kúnderi qoǵamdyq jasaqtar quryldy.
Máslihattardaǵy fraktsiia músheleri men «Nur Otan» bastaýysh partiia uiymdarynyń basshylary Memleket basshysy Qasym-Jomart Toqaevtyń jaqynda ótken Qazaqstan Respýblikasy Parlamenti Májilisiniń otyrysynda qoiǵan mindetterin halyq arasynda belsendi túsindirý jumystaryn júrgizýde.
Partiianyń baspasóz qyzmetiniń málimetinshe, «Nur Otan» qoǵamdyq qabyldaý bólmeleri de jumysyn jalǵastyrýda.
Biyl 1 qańtardan bastap 622 adam júginip, onyń 283-i «111 shuǵyl qyzmet» bailanys ortalyǵyna habarlasqan. Azamattardy tolǵandyratyn negizgi máseleler – áleýmettik qamsyzdandyrý, jumysqa ornalasý jáne eńbek quqyqtarynyń buzylýy, turǵyn-úi kommýnaldyq sharýashylyq syndy máseleler.
Depýtattar, partiia músheleri – memlekettik organdardyń basshylary 67 qoǵamdyq qabyldaý ótkizip, 136 adamnyń máselesi qaraldy.
