Қазақша Qazaqsha قازاقشا Русский
DALA INSIDE-qa ótý
Dala 360 Politica Vox Populi Dala Finance Shartarap Bile júrińiz! Referendým
Bilim Suhbat Zań men Tártip Aimaq Jumysshy jyly Aityldy – oryndaldy Bas taqyryp Saraptama Dál qazir Taza Qazaqstan AES: Referendým
DalaNews visual
Freedom Inside '26

Nur Otan Taýshyq aýylynan shebin kareri jobasyn iske asyrady

Dalanews
Nur Otan Taýshyq aýylynan shebin kareri jobasyn iske asyrady
«Nur Otan» partiiasynyń 2025 jylǵa deiingi ómir sapasy men halyqtyń ál-aýqatynyń úzdiksiz jaqsarýyna jaǵdai jasaýǵa baǵyttalǵan baǵdarlamasymen «Túpqaraǵan aýdandyq elektr júiesi» eńbek ujymy tanysty. Aýdandyq sailaýaldy shtab músheleri men máslihat  depýtatyna úmitkerler A.Qurmanov, Q.Sabanov jáne N.Adekovtyń senimdi ókili 29 qańtar kúni atalmysh mekemede bolyp, úgit-nasihat jumystaryn júrgizdi.

«Nur Otan» partiiasynyń aýdandy damytýdyń sailaýaldy baǵdarlamasynda 7 basym baǵyt aiqyndaldy. Olar ekonomikalyq turaqty, jaily, jastarǵa arnalǵan, tarihy men mádenieti damyǵan, áleýmettik baǵyttalǵan, qaýipsiz aýdan ári ashyq esep beretin jergilikti organy bar.

Aldaǵy perspektivada aýdandy damytýda óńdeý ónerkásibine, kólik pen logistikaǵa, agroónerkásiptik keshen men týrizmge, taý-ken ónerkásibin odan ári damytýǵa negizgi ekpin túsiriletin bolady. Aýdanda jumys istep turǵan munai ken oryndarynda munai óndirý kólemin saqtap, Taýshyq aýylynan shebin kareri jobasy iske asyrylady.

Týrizm – aýdan ekonomikasynyń COVID-19 pandemiiasynan eń kóp ziian shekken salasy. Osymen bir mezgilde, Qazaqstannyń basqa eldermen shekarany jabý ishki týrizmge damý múmkindigin berdi. Túpqaraǵan aýdanynyń Kaspii teńizine tikelei shyǵý múmkindigi bar. Sonymen qatar aýdan aýmaǵynda Tamshaly, Saýra, Jyǵylǵan tabiǵi demalys aimaqtarynyń jáne tarihi zirattar, kúkirt sýdyń kózi bar.

Zahar baqshasynyń da týrizmdi damytýǵa úlesi zor. Osy baǵytta «Nur Otan» partiiasy 2022-2023 jyldary Tamshaly, Sultan-epe, Shaqpaq-ataǵa deiin 40 shaqyrymǵa shamalas avtomobil jolyn salýdy josparǵa qoidy. Infraqurylym, servisti jaqsartý, kemping, janar jaǵarmai beketterin ornatý, abattandyrý jumystary da osy týrizmdi damytý boiynsha jasalady. Aýdannyń týristik jobalaryna qonaq úiler salý úshin jeke investorlardy, sonyń ishinde sheteldik investorlardy izdeýge jáne tartýǵa jumystanady.

Týrizmmen qatar aýdanda teńiz jaǵalaýynda ornalasqan iri kompaniialar qyzmet etedi. Baýtin teńiz jaǵalaýynda ornalasqan iri kompaniialardyń «HKOK», «Teńiz Servis» jáne «Balyqshy» mekemesiniń múmkinshilikterin paidalana otyryp, teńiz transporttyq-logistikany jáne aýdan ónerkásip óndirisiniń kólemi arttyrylady. Budan bólek kásipkerlik, aýylsharýashylyq salalarynda da úlken jobalar júzege asady. Bul is-sharalar arqasynda turaqty jumys oryndary kóbeiip, jumyssyzdyq máselesi birtindep sheshiledi.

Jalpy aýdannyń ekonomikalyq jaǵdaiymen qosa ómir súrýge qolaily bolýy úshin joldar salynyp, aýyz sýmen qamtylyp, ómir súrý jaǵdai jaqsarady. Meditsina, bilim salasynda da oń ózgerister oryn alady. Bul jumystar 5 jylda atqarylady.

Memlekettik kommýnaldyq kásiporyn qyzmetkerleri baǵdarlamadaǵy jumystarǵa kóńilderi tolyp, júzege asyrylsyn degen tilekterin jetkizdi. Kandidattar 10 qańtar kúni ótetin sailaýǵa belsendi qatysýǵa jáne «Nur Otan» partiiasyna daýys berýge shaqyrdy.

Qiyndyqty eńserip, jeńiske birge jetemiz!

(Material aqysy «Nur Otan» partiiasynyń Mańǵystaý oblysy Túpqaraǵan aýdanynyń Sailaý qorynyń qarajaty esebinen tólendi)
meditsina Nur Otan infraqurylym Úgit-nasihat «Nur Otan» partiiasy Sailaý 2021 Túpqaraǵan Tamshaly Sultan-epe Shaqpaq-ata A.Qurmanov Q.Sabanov N.Adekov Saýra Jyǵylǵan Teńiz Servis Madina Sádýaqasova

Oqi otyryńyz