«Nur Otan» partıasynyń aýdandy damytýdyń saılaýaldy baǵdarlamasynda 7 basym baǵyt aıqyndaldy. Olar ekonomıkalyq turaqty, jaıly, jastarǵa arnalǵan, tarıhy men mádenıeti damyǵan, áleýmettik baǵyttalǵan, qaýipsiz aýdan ári ashyq esep beretin jergilikti organy bar.
Aldaǵy perspektıvada aýdandy damytýda óńdeý ónerkásibine, kólik pen logıstıkaǵa, agroónerkásiptik keshen men týrızmge, taý-ken ónerkásibin odan ári damytýǵa negizgi ekpin túsiriletin bolady. Aýdanda jumys istep turǵan munaı ken oryndarynda munaı óndirý kólemin saqtap, Taýshyq aýylynan shebin kareri jobasy iske asyrylady.
Týrızm – aýdan ekonomıkasynyń COVID-19 pandemıasynan eń kóp zıan shekken salasy. Osymen bir mezgilde, Qazaqstannyń basqa eldermen shekarany jabý ishki týrızmge damý múmkindigin berdi. Túpqaraǵan aýdanynyń Kaspıı teńizine tikeleı shyǵý múmkindigi bar. Sonymen qatar aýdan aýmaǵynda Tamshaly, Saýra, Jyǵylǵan tabıǵı demalys aımaqtarynyń jáne tarıhı zırattar, kúkirt sýdyń kózi bar.
Zahar baqshasynyń da týrızmdi damytýǵa úlesi zor. Osy baǵytta «Nur Otan» partıasy 2022-2023 jyldary Tamshaly, Sultan-epe, Shaqpaq-ataǵa deıin 40 shaqyrymǵa shamalas avtomobıl jolyn salýdy josparǵa qoıdy. Infraqurylym, servısti jaqsartý, kempıng, janar jaǵarmaı beketterin ornatý, abattandyrý jumystary da osy týrızmdi damytý boıynsha jasalady. Aýdannyń týrısik jobalaryna qonaq úıler salý úshin jeke ınvestorlardy, sonyń ishinde sheteldik ınvestorlardy izdeýge jáne tartýǵa jumystanady.
Týrızmmen qatar aýdanda teńiz jaǵalaýynda ornalasqan iri kompanıalar qyzmet etedi. Baýtın teńiz jaǵalaýynda ornalasqan iri kompanıalardyń «HKOK», «Teńiz Servıs» jáne «Balyqshy» mekemesiniń múmkinshilikterin paıdalana otyryp, teńiz transporttyq-logıstıkany jáne aýdan ónerkásip óndirisiniń kólemi arttyrylady. Budan bólek kásipkerlik, aýylsharýashylyq salalarynda da úlken jobalar júzege asady. Bul is-sharalar arqasynda turaqty jumys oryndary kóbeıip, jumyssyzdyq máselesi birtindep sheshiledi.
Jalpy aýdannyń ekonomıkalyq jaǵdaıymen qosa ómir súrýge qolaıly bolýy úshin joldar salynyp, aýyz sýmen qamtylyp, ómir súrý jaǵdaı jaqsarady. Medısına, bilim salasynda da oń ózgerister oryn alady. Bul jumystar 5 jylda atqarylady.
Memlekettik komýnaldyq kásiporyn qyzmetkerleri baǵdarlamadaǵy jumystarǵa kóńilderi tolyp, júzege asyrylsyn degen tilekterin jetkizdi. Kandıdattar 10 qańtar kúni ótetin saılaýǵa belsendi qatysýǵa jáne «Nur Otan» partıasyna daýys berýge shaqyrdy.
Qıyndyqty eńserip, jeńiske birge jetemiz!
(Materıal aqysy «Nur Otan» partıasynyń Mańǵystaý oblysy Túpqaraǵan aýdanynyń Saılaý qorynyń qarajaty esebinen tólendi)
