Nur Otan partiiasynyń kóshpeli qoǵamdyq qabyldaýda 13 adamnyń ótinishi tyńdaldy
Jalpy kóshpeli qoǵamdyq qabyldaýda 13 adamnyń ótinishi tyńdaldy. Atap aitqanda, qaladaǵy móltekaýdan bileri – Esenbek Qahanov pen Esengeldi Sarievter Aqbala shaǵynaýdanyndaǵy M.Saparbaev kóshesine aiaqjol salý, J.Jabaev atyndaǵy bastaýysh mektep aldyna jasandy jol kedergisin salý jóninde turǵyndar atynan ótinish aitty. Olarǵa jaýapty basshylar aiaqjol salýǵa metalyq qujattar jasalǵanyn, biyl jumys bastalatynyn jetkizdi. Al J.Jabaev atyndaǵy mekteptiń aldyna jasandy jol kedergisi 15 tamyzǵa deiin salynatyn boldy.
Qala turǵyndary – Ibragim Bektursynov pen Qasymbek Sádýov kóshelerge sýaǵar salý, jaryqtandyrý máselelerin jetkizdi. Osy salaǵa jaýapty basshylar Naýryz kóshesindegi sýaǵardyń qurylysyna qarjy qaralyp, jyl sońyna deiin qurylysy aiaqtalatyny jóninde ýáde berdi. Sonymen birge Shardara qalasy Qurshan kóshesine jaryqshamdar ornatý máselesi de sheshiledi. Smetalyq qujattary daiyndalyp, qarjy qaralǵan. 2-3 aida 2.2 shaqyrym kóshege jaryq baǵanalary qoiylmaq.
Mal sharýashylyǵymen ainalysqysy keletin Qýanysh Turǵanbai jaiylymdyq jer izdestirip júrgenin jetkizse, L.Orynbaeva men A.Serikbaevalar ataýly áleýmettik kómek alý jaily keńester surady. Sonymen qatar, Saltanat Qadyrova M.Gorkii atyndaǵy jalpy orta mekteptiń janynan qosymsha ǵimarat salynbasa, keleshekte úsh aýysymdy mektepke ainalyp ketetinin, Meiirjan Áliev qashyqtyqtan oqytý barysynda oqýshylarǵa berilgen kompiýter, planshetterdiń mektepke qaitarylǵanyn, olardy muǵalimniń paidalanýyna bolatyn-bolmaitynyn surady. Mekemtas Sabyrdin men Ermek Rahmatýlla aýyldyq eldi mekenderde zaman talabyna sai sport keshenderin salsa, jelkendi qaiyq sportyn damytý maqsatynda jumystar atqarylsa, degen ótinishterin bildirdi. Turǵyndardyń suraqtaryna tiisti keńes, jaýaptar berilip, hattamaǵa engizildi.
«Nur Otan» partiiasy tóraǵasynyń birinshi orynbasary, fraktsiia jetekshisi Beisen Tájibaev barlyq suraqtar men máseleler partiialyq baqylaýǵa alynatynyn aityp, tiisti basshylarǵa usynystaryn jetkizdi.
