Búgin Túrkistan oblysynyń ákimi, «Nur Otan» partiiasy oblystyq filialynyń tóraǵasy Ómirzaq Shókeev filial apparatymen jáne biýro múshelerimen jiyn ótkizip, «Nur Otan» partiiasy Túrkistan oblystyq filialy tóraǵasynyń birinshi orynbasaryn tanystyrdy.
«Nur Otan» partiiasy Oblystyq filialy Saiasi keńes Biýrosynyń № 020 qaýlysyn negizge ala otyryp, «Nur Otan» partiiasy Tóraǵasynyń Birinshi orynbasary Baýyrjan Baibektiń 2019 jyldyń 9 tamyzdaǵy №148 buiryǵymen Túrkistan oblystyq filialy tóraǵasynyń birinshi orynbasary laýazymyna Tájibaev Beisenbai Dáýletuly taǵaiyndaldy.
«Halyqpen ashyq jáne keń deńgeidegi dialog ornatýdy qaita uiymdastyryp, atqarýshy bilik pen qoǵam arasyndaǵy qarym-qatynastyń ashyqtyǵyn qamtamasyz etýde partiianyń rolin kúsheitýdi tapsyramyn. Turǵyndardan kelip túsetin aryz-shaǵymdardy qaraýdy jáne nátije shyǵarýdy, tiisti memlekettik organdardyń basshylaryn, depýttattyq korpýsty, fraktsiia múshelerin tarta otyryp, kúsheitý qajet. Arysta oryn alǵan jaǵdaiǵa qatysty memleket tarapynan jasalynyp jatqan jumystardy elge túsindirýdi belsendi túrde júrgizý kerek . Bul rette Beisenbai Dáýletuly partiialyq jobalardy iske asyrýda biliktiligin kórsete biledi dep senemin», dedi oblys basshysy.
Oblystyq filial tóraǵasynyń birinshi orynbasary bolyp taǵaiyndalǵan Tájibaev Beisenbai Dáýletuly 1982 jyly Ońtústik Qazaqstan oblysynda dúniege kelgen.
Mamandyǵy - jýrnalist, quqyqtanýshy. Eńbek jolyn 2002 jyly «Shymkent kelbeti», «Panorama Shymkenta» JShS gazetteriniń tilshisi bolyp bastap, 2005-2017 jyldary aralyǵynda Qazaqstan Respýblikasy «Qazaqstan Respýblikalyq teleradiokorporatsiiasy» AQ oblystyq filialynyń redaktory, Ońtústik Qazaqstan oblysy ákimi apparaty baspasóz qyzmetiniń basshysy, «Ońtústik Qazaqstan» qoǵamdyq-saiasi gazetiniń bas redaktory, «Aiqyn-Liter» JShS «Aiqyn» gazetiniń Astana qalasyndaǵy tilshiler qosynyń jetekshisi, «Elordalyq «Astana» jýrnaly» JShS redaktsiiasynyń Bas redaktory, Túrkistan oblysy ákimi apparaty baspasóz qyzmetiniń basshysy - baspasóz hatshysy laýazymyn atqardy.
2018 jyldyń tamyz aiynan bastap Túrkistan oblysy ishki saiasat basqarmasynyń basshysy qyzmetin atqarǵan.
