بۇگىن تۇركىستان وبلىسىنىڭ اكىمى، «Nur Otan» پارتياسى وبلىستىق فيليالىنىڭ ءتوراعاسى ءومىرزاق شوكەيەۆ فيليال اپپاراتىمەن جانە بيۋرو مۇشەلەرىمەن جيىن وتكىزىپ، «Nur Otan» پارتياسى تۇركىستان وبلىستىق فيليالى ءتوراعاسىنىڭ ءبىرىنشى ورىنباسارىن تانىستىردى.
«Nur Otan» پارتياسى وبلىستىق فيليالى ساياسي كەڭەس بيۋروسىنىڭ № 020 قاۋلىسىن نەگىزگە الا وتىرىپ، «Nur Otan» پارتياسى ءتوراعاسىنىڭ ءبىرىنشى ورىنباسارى باۋىرجان بايبەكتىڭ 2019 جىلدىڭ 9 تامىزداعى №148 بۇيرىعىمەن تۇركىستان وبلىستىق فيليالى ءتوراعاسىنىڭ ءبىرىنشى ورىنباسارى لاۋازىمىنا تاجىبايەۆ بەيسەنباي داۋلەت ۇلى تاعايىندالدى.
«حالىقپەن اشىق جانە كەڭ دەڭگەيدەگى ديالوگ ورناتۋدى قايتا ۇيىمداستىرىپ، اتقارۋشى بيلىك پەن قوعام اراسىنداعى قارىم-قاتىناستىڭ اشىقتىعىن قامتاماسىز ەتۋدە پارتيانىڭ ءرولىن كۇشەيتۋدى تاپسىرامىن. تۇرعىنداردان كەلىپ تۇسەتىن ارىز-شاعىمداردى قاراۋدى جانە ناتيجە شىعارۋدى، ءتيىستى مەملەكەتتىك ورگانداردىڭ باسشىلارىن، دەپۋتتاتتىق كورپۋستى، فراكسيا مۇشەلەرىن تارتا وتىرىپ، كۇشەيتۋ قاجەت. ارىستا ورىن العان جاعدايعا قاتىستى مەملەكەت تاراپىنان جاسالىنىپ جاتقان جۇمىستاردى ەلگە ءتۇسىندىرۋدى بەلسەندى تۇردە جۇرگىزۋ كەرەك . بۇل رەتتە بەيسەنباي داۋلەت ۇلى پارتيالىق جوبالاردى ىسكە اسىرۋدا بىلىكتىلىگىن كورسەتە بىلەدى دەپ سەنەمىن»، دەدى وبلىس باسشىسى.
وبلىستىق فيليال ءتوراعاسىنىڭ ءبىرىنشى ورىنباسارى بولىپ تاعايىندالعان تاجىبايەۆ بەيسەنباي داۋلەت ۇلى 1982 جىلى وڭتۇستىك قازاقستان وبلىسىندا دۇنيەگە كەلگەن.
ماماندىعى - جۋرناليست، قۇقىقتانۋشى. ەڭبەك جولىن 2002 جىلى «شىمكەنت كەلبەتى»، «پانوراما شىمكەنتا» ج ش س گازەتتەرىنىڭ ءتىلشىسى بولىپ باستاپ، 2005-2017 جىلدارى ارالىعىندا قازاقستان رەسپۋبليكاسى «قازاقستان رەسپۋبليكالىق تەلەراديوكورپوراسياسى» اق وبلىستىق فيليالىنىڭ رەداكتورى، وڭتۇستىك قازاقستان وبلىسى اكىمى اپپاراتى باسپا ءسوز قىزمەتىنىڭ باسشىسى، «وڭتۇستىك قازاقستان» قوعامدىق-ساياسي گازەتىنىڭ باس رەداكتورى، «ايقىن-ليتەر» ج ش س «ايقىن» گازەتىنىڭ استانا قالاسىنداعى تىلشىلەر قوسىنىڭ جەتەكشىسى، «ەلوردالىق «استانا» جۋرنالى» ج ش س رەداكسياسىنىڭ باس رەداكتورى، تۇركىستان وبلىسى اكىمى اپپاراتى باسپا ءسوز قىزمەتىنىڭ باسشىسى - باسپا ءسوز حاتشىسى لاۋازىمىن اتقاردى.
2018 جىلدىڭ تامىز ايىنان باستاپ تۇركىستان وبلىسى ىشكى ساياسات باسقارماسىنىڭ باسشىسى قىزمەتىن اتقارعان.
