Elbasy, partiia Lideri Nursultan Nazarbaevtyń tapsyrmasy aiasynda árbir óńirde, qala men aýdanda júieli baqylaýdy qamtamasyz etý úshin naqty nysanaly indikatorlar men merzimder belgilenip, sondai-aq oǵan jaýapty oryndaýshylar aiqyndaldy.
Qaraǵandy oblysynda aldaǵy 5 jylda 1715 kórsetkish pen 6431 is-sharany oryndaý kózdelgen. 2021 jyly «Nur Otan» partiiasynyń sailaýaldy baǵdarlamasy 21,8%-ǵa, 2022 jyly – 43,4%-ǵa, 2023 jyly – 64,2%-ǵa, 2024 jyly – 83,9%-ǵa jáne 2025 jyly 100%-ǵa oryndaldy.
Biyldyń ózinde 42 meditsinalyq nysannyń 24-i, 29 mekteptiń 5-eýi, 13 balabaqshanyń 5-eýi, jastarǵa arnalǵan 4 jataqhananyń 2-eýi, 18 sport nysanynyń 7-eýi salynady. Sondai-aq erekshe qajettilikteri bar adamdar úshin 317 nysannyń 63-i beiimdeletin bolady.
2025 jylǵa deiin 150 myń jumys orny qurylyp, 109 týristik jańa nysan ashylady. 2546 km avtojol, 1215 km sýmen jabdyqtaý jáne 754 km jylýmen jabdyqtaý jelileri salynyp, jóndeledi. 30 myńǵa jýyq otbasy úshin turǵyn úi salý josparlanýda.
Aldaǵy 5 jylda «Qazaqmys» jáne «Arselor Mittal» kásiporyndaryndaǵy shań jáne gaz tutqysh jabdyqtar jańartylyp, «Saryarqa» magistraldyq gaz qubyryna qosylý jumystary júredi. Keńgir kentinde bioelektr stantsiiasyn, Jańaarqa aýdanynda qoqys suryptaý keshenin, Qaraǵandy qalasynda qoqys jaǵatyn jáne óńdeitin zaýyttar salý josparlanýda. Memlekettik orman qory jáne ónerkásip kásiporyndarynyń aýmaǵynda da jasyl aimaqtar ulǵaitylady.
Shyǵys Qazaqstan oblysynda qabyldanǵan Jol kartasy aiasynda 6914 kórsetkish pen is-shara oryndalady. 2021 jyly partiia baǵdarlamasy 22%-ǵa, 2022 jyly – 43,5%-ǵa, 2023 jyly – 64%-ǵa, 2024 jyly – 83,1%-ǵa jáne 2025 jyly 100%-ǵa iske asyrylady.
Osy jyly 2,5 myń shaqyrym avtojoldyń 143 shaqyrymy, 282 shaqyrym sý burý jelisiniń 101 shaqyrymy, 307 sýmen jabdyqtaý nysanynyń 207-si salynady jáne rekonstrýktsiialanady. Jalpy, 149 myń jumys ornyn qurý, jastarǵa arnalǵan 7 jataqhana men 20 sport nysanynyń qurylysy josparlanǵan.
Óńirdiń týristik áleýetin iske asyrý maqsatynda Alakól kóliniń jaǵalaýyn kórkeitý, Úrjar aýylyndaǵy áýejaidy qaita jańartý jáne Buqtyrma sý qoimasy arqyly kópir salý josparlanýda.
Barlyq sailaýaldy ýádelermen nurotan.kz jáne nurotan2021.kz.saittarynan tanysýǵa bolady.
