Nur Otan پارتياسى قاراعاندى مەن شقو-نى دامىتۋدىڭ جوسپارىن ازىرلەدى

Dalanews 23 اقپ. 2021 07:15 560

«Nur Otan» پارتياسى 216 سايلاۋالدى باعدارلامانى ىسكە اسىرۋ بويىنشا ءار جىلعا ناقتى كورسەتكىشتەرى بار جول كارتالارىن ازىرلەدى. قاراعاندى جانە شىعىس قازاقستان وبلىستارىنىڭ تۇرعىندارى ءۇشىن بيىلدىڭ وزىندە قانداي ىستەر اتقارىلاتىنى بەلگىلى بولادى، دەپ Dalanews.kz اقپارات اگەنتتىگى «Nur Otan» پارتياسىنىڭ باسپا ءسوز قىزمەتى سىلتەمە جاساپ.

ەلباسى، پارتيا ليدەرى نۇرسۇلتان نازاربايەۆتىڭ تاپسىرماسى اياسىندا ءاربىر وڭىردە، قالا مەن اۋداندا جۇيەلى باقىلاۋدى قامتاماسىز ەتۋ ءۇشىن ناقتى نىسانالى ينديكاتورلار مەن مەرزىمدەر بەلگىلەنىپ، سونداي-اق وعان جاۋاپتى ورىنداۋشىلار ايقىندالدى.

قاراعاندى وبلىسىندا الداعى 5 جىلدا 1715 كورسەتكىش پەن 6431 ءىس-شارانى ورىنداۋ كوزدەلگەن. 2021 جىلى «Nur Otan» پارتياسىنىڭ سايلاۋالدى باعدارلاماسى 21،8%-عا، 2022 جىلى – 43،4%-عا، 2023 جىلى – 64،2%-عا، 2024 جىلى – 83،9%-عا جانە 2025 جىلى 100%-عا ورىندالدى.

بيىلدىڭ وزىندە 42 مەديسينالىق نىساننىڭ 24ء-ى، 29 مەكتەپتىڭ 5-ەۋى، 13 بالاباقشانىڭ 5-ەۋى، جاستارعا ارنالعان 4 جاتاقحانانىڭ 2-ەۋى، 18 سپورت نىسانىنىڭ 7-ەۋى سالىنادى. سونداي-اق ەرەكشە قاجەتتىلىكتەرى بار ادامدار ءۇشىن 317 نىساننىڭ 63ء-ى بەيىمدەلەتىن بولادى.


2025 جىلعا دەيىن 150 مىڭ جۇمىس ورنى قۇرىلىپ، 109 تۋريستىك جاڭا نىسان اشىلادى. 2546 كم اۆتوجول، 1215 كم سۋمەن جابدىقتاۋ جانە 754 كم جىلۋمەن جابدىقتاۋ جەلىلەرى سالىنىپ، جوندەلەدى. 30 مىڭعا جۋىق وتباسى ءۇشىن تۇرعىن ءۇي سالۋ جوسپارلانۋدا.

الداعى 5 جىلدا «قازاقمىس» جانە «ارسەلور ميتتال» كاسىپورىندارىنداعى شاڭ جانە گاز تۇتقىش جابدىقتار جاڭارتىلىپ، «سارىارقا» ماگيسترالدىق گاز قۇبىرىنا قوسىلۋ جۇمىستارى جۇرەدى. كەڭگىر كەنتىندە بيوەلەكتر ستانسياسىن، جاڭاارقا اۋدانىندا قوقىس سۇرىپتاۋ كەشەنىن، قاراعاندى قالاسىندا قوقىس جاعاتىن جانە وڭدەيتىن زاۋىتتار سالۋ جوسپارلانۋدا. مەملەكەتتىك ورمان قورى جانە ونەركاسىپ كاسىپورىندارىنىڭ اۋماعىندا دا جاسىل ايماقتار ۇلعايتىلادى.

شىعىس قازاقستان وبلىسىندا قابىلدانعان جول كارتاسى اياسىندا 6914 كورسەتكىش پەن ءىس-شارا ورىندالادى. 2021 جىلى پارتيا باعدارلاماسى 22%-عا، 2022 جىلى – 43،5%-عا، 2023 جىلى – 64%-عا، 2024 جىلى – 83،1%-عا جانە 2025 جىلى 100%-عا ىسكە اسىرىلادى.

وسى جىلى 2،5 مىڭ شاقىرىم اۆتوجولدىڭ 143 شاقىرىمى، 282 شاقىرىم سۋ بۇرۋ جەلىسىنىڭ 101 شاقىرىمى، 307 سۋمەن جابدىقتاۋ نىسانىنىڭ 207ء-سى سالىنادى جانە رەكونسترۋكسيالانادى. جالپى، 149 مىڭ جۇمىس ورنىن قۇرۋ، جاستارعا ارنالعان 7 جاتاقحانا مەن 20 سپورت نىسانىنىڭ قۇرىلىسى جوسپارلانعان.


ءوڭىردىڭ تۋريستىك الەۋەتىن ىسكە اسىرۋ ماقساتىندا الاكول كولىنىڭ جاعالاۋىن كوركەيتۋ، ءۇرجار اۋىلىنداعى اۋەجايدى قايتا جاڭارتۋ جانە بۇقتىرما سۋ قويماسى ارقىلى كوپىر سالۋ جوسپارلانۋدا.

بارلىق سايلاۋالدى ۋادەلەرمەن nurotan.kz جانە nurotan2021.kz.سايتتارىنان تانىسۋعا بولادى.

ۇسىنىلعان
سوڭعى جاڭالىقتار