Máselen sońǵy 3 jylda sybailas jemqorlyq derekteri úshin 168 adam qylmystyq jaýapkershilikke tartylǵan. Olardyń 15-i oblystyq mańyzy bar basshylar. 110 adam – ishki ister organdarynyń qyzmetkerleri.
Nurotandyqtardyń eń úlken synyna meditsina salasyndaǵy alaiaqtyq sebep boldy.
Jumys tobynyń jetekshisi Talǵat Nárikbaevtyń aitýynsha oblystyq densaýlyq saqtaý basqarmasynyń ókilderi pandemiiany "tiimdi" paidalanǵan.
"Meditsinalyq jabdyqtar joǵary baǵamen satyp alyndy. Mysaly, oblystyq jedel járdem aýrýhanasy 22,3 mln teńgege ÓJJ apparatyn satyp aldy. Eń joǵary naryqtyq baǵamen satyp alýdyń naqty baǵasy arasyndaǵy aiyrmashylyq 5 mln teńgeni quraidy.
Ekinshi mysal: joǵaryda kórsetilgen aýrýhana eń joǵary naryqtyq quny 32 mln teńge bolǵan kezde 69,5 mln teńge somasyna ýltradybystyq diagnostikalyq meditsinalyq júieni satyp aldy. Ótken jyly quqyq qorǵaý organdaryna is júrgizý sharalaryn qabyldaý úshin 23 material jiberildi, - dedi Talǵat Nárikbaev.
Sonymen qatar, Keńestiń jumys toby bilim berý mekemelerin salý úshin oryndardy qisynsyz tańdaýǵa nazar aýdardy. Bylaisha aitqanda bilim ordalary mektepke baratyn oqýshysy joq jerge salynǵan.
"Aitalyq Aqtóbe qalalyq ákimdigine qarasty Ýkrainka aýylyndaǵy orta mekteptiń qurylysyna 1,1 mlrd teńge bólingen. Is júzinde bul aýylda úlken mektepke suranys joq. Aqtóbe qalalyq ákimdigine qaraityn Shilisai aýylyndaǵy orta mekteptiń qurylysyna 1,4 mlrd teńge baǵyttalǵan. Bul aýylda da bala sany az. Dál osy óńirdegi "Ásem" saýyqtyrý lageriniń oqý korpýsyn salýǵa 800 mln teńge bólingen. Ashyǵyn aitqanda biýdjet qarajaty bet albaty jumsalyp jatyr.", – dedi Talǵat Nárikbaev.
Sybailas jemqorlyqqa qarsy respýblikalyq qoǵamdyq keńes múshesi Merýert Qazbekovanyń aitýynsha, memqyzmetkerlerdiń birazy koronavirýs kezinde halyqqa bólingen aqshanyń qyzyǵyn kórgen.
Bizdiń elimizdiń bolashaǵyn oilaityn basshylarda, memqyzmetkerlerde moraldyq-etikalyq qasietterdiń joqtyǵy tań qaldyrady. Olar ózderin qorǵai almaityn qoǵamnyń álsiz toptaryn, balalar men naýqastardy tonaidy. Bul ýaqytsha qiyndyq emes, bul apat, – dep málimdedi Merýert Qazbekova.
Keńes músheleri "Aqtóbe "áleýmettik-kásipkerlik korporatsiiasy" AQ-da qalyptasqan jaǵdaidy qosymsha talqylady.
Shamamen 700 mln teńge – bul korporatsiia qaryzdarynyń kólemi, al taǵy 1,5 mlrd teńge-merzimi ótken debitorlyq bereshek. Sonymen qatar, korporatsiianyń ózi úshin de, oblys ekonomikasy úshin de paidasyz qarjylyq operatsiialar dep tanylǵan paiyzsyz qaryzdar berý. "Aqtóbe" ÁKK tarapynan baqylaý bolmady jáne bólingen Qaryz qarajatyn ýaqtyly qaitarý jáne investitsiialanǵan jobalardy tolyq iske asyrý boiynsha júieli sharalar qabyldanbady.
"ÁKK basshylyǵy bul týraly ne oilaidy? Olar qaiyrymdylyq qory retinde áreket etti, aqshany ońǵa jáne solǵa shashty, endi olardy qalai qaitarýǵa bolady, oǵan kim jaýap beredi?!
"Aqtóbe" indýstriialyq aimaǵynyń qyzmeti de kúmán týdyrady, oblys biýdjetinen olarǵa 5 mlrd teńgege jýyq qarajat berildi, olar osynshama qarajatty qaida jumsady, qalai igerdi? 300 jumys ornyna 5 óndiris qurdyq dep esep bergen eken. Bar bolǵany osy ma? Oblys ákimdigi tarapynan baqylaý qaida? - dep saýal qoidy Sybailas jemqorlyqqa qarsy respýblikalyq qoǵamdyq keńes tóraǵasy Omarhan Óksikbaev.
Otyrysty qorytyndylai kele Keńes músheleri Aqtóbe oblystyq ekonomika jáne biýdjettik josparlaý basqarmasynyń, Memlekettik satyp alý basqarmasynyń, Bilim basqarmasynyń basshylaryn, sondai-aq Aqtóbe qalasy ákiminiń orynbasaryn partiialyq jaýapkershilikke tartý týraly sheshim shyǵardy.
Sybailas jemqorlyqqa qarsy respýblikalyq qoǵamdyq keńes basshysy Aqtóbe oblystyq prokýratýrasynyń jumysyn synǵa aldy.
"70-ke jýyq qylmystyq is qozǵalyp, barlyǵy jabyldy. Prokýror myrza, orynbasary? Jaqynda ǵana Memleket basshysy zań ústemdigin qamtamasyz etýde jáne qylmysqa qarsy kúreste prokýratýranyń erekshe rólin atap ótti. Al sizder uiyqtap júrsizder! Siz tekserýshiler bolsańyz da, qadaǵalaý organy biýdjet qarajatynyń qalai paidalanylatynyn da qadaǵalaýy tiis, - dedi Omarhan Óksikbaev.
Sondai-aq, partiia komissiiasynyń músheleri Bas prokýratýrasyna senip tapsyrylǵan bóten múlikti iemdený jáne jumsaý faktileri boiynsha Aqtóbe oblysy boiynsha buryn toqtatylǵan qylmystyq isterge tekserý júrgizýdi jáne keltirilgen zalaldy óteý boiynsha pármendi sharalar qabyldaýdy usyndy.
Jemqorlyqpen kúreste bir "Nur Otan" óz kúshimen jeńe almaidy. Qoǵam, azamattyq belsendiler, barlyq halyq qosylýy kerek, al biz saiasi partiia retinde bul kúshterdi biriktirýimiz kerek, – dep túiindedi keńes tóraǵasy.
