Aldaǵy aıqyn maqsattar men mindetterdi saılaýshylarǵa nasıhattaý maqsatynda «Nur Otan» partıasy óńirimizde birshama sharalardy qolǵa alýda. «Esikten esikke» aksıasy aıasynda karantındik talaptardy saqtaı otyryp, ashyq aspan astyndaǵy kezdesýler, ekspromt jıyndar ótýde. Bunyń barlyǵy saılaý naýqanynda senim men eldiń oń pikirin jınaýǵa baǵyttalǵan ister.
Osyndaı basqosýdyń biri «Úsharal» avtobeketiniń qyzmetkerlerimen ótti. Atalǵan mekemeniń 30-ǵa jýyq qyzmetkerleri men saılaýaldy shtab músheleri bas partıanyń baǵdarlamalaryn túsindirip, saýaldaryna jaýap berdi.
Sóz alǵan «Nur Otan» partıasy aýdandyq fılıaly tóraǵasynyń birinshi orynbasary Q.Kókebaev: «2020 jyl biz úshin úlken synaq jyly boldy. Koronavırýstyq pandemıa bizdiń ómirimizdi, basymdyqtardy ózgertti, kóptegen máselelerge basqasha qaraýǵa májbúr etti jáne bizdiń memleketimizdiń basty qundylyǵy – adamnyń ómiri men densaýlyǵy ekenin taǵy bir dáleldedi.
Qazaqstan, álemniń basqa elderi sıaqty, uzaq merzimdi karantınge jáne shekteý sharalaryna baılanysty úlken qıyndyqtarǵa tap boldy.
Osy syn-qaterlerge qaramastan, «Nur Otan» partıasy ekonomıkany damytýdyń turaqtylyǵyn qamtamasyz etý úshin, jumyspen qamtý jáne jańa jumys oryndaryn qurý, bizdiń aýdandy ómir súrý úshin qaýipsiz ári jaıly etý úshin bar kúsh-jigerin salady. Biz buǵan qalaı qol jetkizýge bolatynyn naqty bilemiz!
Bizdi ortaq bir maqsat biriktiredi – ár turǵynnyń ómir súrý deńgeıin arttyrý.
Búginde barlyq azamattar partıadan naqty máselelerdi sheshýdi jáne bastamalardy ilgeriletýdi kútýde. Ol úshin biz júıeli partıalyq qaıta júkteýdi jáne partıa ishindegi ashyq saılaýdy – praımerız ótkizdik.
Partıa barlyǵy úshin ashyq! Biz Sizderdiń syndarly usynystaryńyzdy qoldaýǵa daıynbyz jáne ózara tıimdi yntymaqtastyqqa úmittenemiz»,- dep, jınalǵandarǵa partıa baǵdarlamasynyń basym baǵyttary jaıynda málimetter berdi.
Sonymen qatar: «Týrızm – COVID-19 pandemıasyna baılanysty aýdan ekonomıkasynyń eń kóp zardap shekken salasy. Alakól kóliniń jaǵalaýynda 249 demalys aımaǵy jumys isteıtinin eskersek, basqa eldermen shekaralardyń jabylýy ishki týrızmdi damytýǵa múmkindik berdi. Osy rette partıa baǵdarlamalary aýdannyń tirek salasyn damytýǵa óz tarypan kerekti jumystardy atqarýǵa ázir. Sebebi aýdan ataǵyna ataq ústep otyrǵan týrızmge degen jiti kóńil kemel keleshekke qaraı basqan qarymdy qadam dep bilemiz»,- deı kele, avtobeket qyzmetkerleriniń aýdannyń týrısik áleýetin damytýǵa qosar eleýli úlesi bar ekenin aıtyp ótti. Osy rette bir jeńnen qol, bir jaǵadan bas shyǵaryp, ortaq maqsat jolynda jumyla eńbek etý jetistikke bastar tóte jol ekendigin jetkizdi.
N.IDRISOVA, Alakól aýdandyq «Nur Otan» partıasy saılaýaldy shtaby uıymdastyrý jumystarynyń keńesshisi.
(Materıal aqysy «Nur Otan» partıasynyń Almaty oblysy Alakól aýdanynyń Saılaý qorynyń esebinen tólendi)
