Jalpy oblys ortalyǵyndaǵy qoǵamdyq kólikter Túrkistan oblysy bas memlekettik sanıtarıalyq dárigeriniń Qaýlysyna sáıkes aptanyń bes kúninde jolaýshy tasymaldap jatyr.
Kún saıyn kólikterge dezınfeksıa jasalyp, betperde rejıminiń saqtalýy qadaǵalanady. Sonymen birge B. Sattarhanov dańǵylyndaǵy Bus lane jolaǵy avtobýs qatynastaryn jeńildetip, kólik keptelisiniń azaıýyna septigin tıgizip jatqany da aıtyldy.
Jıynda "Nur Otan" partıasy Túrkistan qalalyq fılıaly tóraǵasynyń birinshi orynbasary Almasbek Temirbaev Túrkistannyń kólik qyzmeti talapqa saı bolýy tıis ekenin jetkizdi.
Búginde QR Tuńǵysh Prezıdenti, Elbasy, "Nur Otan" partıasynyń Tóraǵasy Nursultan Nazarbaevtyń bastamasymen Túrkistan qalasynda aýqymdy jumystar atqarylyp jatyr.
El Prezıdenti Qasym-Jomart Toqaev Túrkistanǵa jasaǵan jumys saparynda oblys ortalyǵyn jan-jaqty damytý kerektigin aıtyp, qurylys barysyna oń baǵasyn bergen bolatyn. Demek, aldaǵy ýaqytta qalanyń kólik salasy da iri megapolısterge saı ózgerýi tıis.
"Nur Otan" partıasy Túrkistan oblystyq fılıalynyń baspasóz qyzmeti
