جالپى وبلىس ورتالىعىنداعى قوعامدىق كولىكتەر تۇركىستان وبلىسى باس مەملەكەتتىك سانيتاريالىق دارىگەرىنىڭ قاۋلىسىنا سايكەس اپتانىڭ بەس كۇنىندە جولاۋشى تاسىمالداپ جاتىر.
كۇن سايىن كولىكتەرگە دەزينفەكسيا جاسالىپ، بەتپەردە رەجيمىنىڭ ساقتالۋى قاداعالانادى. سونىمەن بىرگە ب. ساتتارحانوۆ داڭعىلىنداعى Bus lane جولاعى اۆتوبۋس قاتىناستارىن جەڭىلدەتىپ، كولىك كەپتەلىسىنىڭ ازايۋىنا سەپتىگىن تيگىزىپ جاتقانى دا ايتىلدى.
جيىندا "Nur Otan" پارتياسى تۇركىستان قالالىق فيليالى ءتوراعاسىنىڭ ءبىرىنشى ورىنباسارى الماسبەك تەمىربايەۆ تۇركىستاننىڭ كولىك قىزمەتى تالاپقا ساي بولۋى ءتيىس ەكەنىن جەتكىزدى.
بۇگىندە ق ر تۇڭعىش پرەزيدەنتى، ەلباسى، "Nur Otan" پارتياسىنىڭ ءتوراعاسى نۇرسۇلتان نازاربايەۆتىڭ باستاماسىمەن تۇركىستان قالاسىندا اۋقىمدى جۇمىستار اتقارىلىپ جاتىر.
ەل پرەزيدەنتى قاسىم-جومارت توقايەۆ تۇركىستانعا جاساعان جۇمىس ساپارىندا وبلىس ورتالىعىن جان-جاقتى دامىتۋ كەرەكتىگىن ايتىپ، قۇرىلىس بارىسىنا وڭ باعاسىن بەرگەن بولاتىن. دەمەك، الداعى ۋاقىتتا قالانىڭ كولىك سالاسى دا ءىرى مەگاپوليستەرگە ساي وزگەرۋى ءتيىس.
"Nur Otan" پارتياسى تۇركىستان وبلىستىق فيليالىنىڭ باسپا ءسوز قىزمەتى
