Qabyldaýǵa turǵyn úi jumystaryna qatysty aryz-shaǵym boiynsha 4 turǵyn kelgen.
B.Mahaev, Á.Seidýaliev, N.Adyrbekov, J.Abdrahmanova esimdi aryzdanýshylar tarapynan otyrǵan baspanasyna qurylys jumystaryn júrgizý máseleleri boiynsha ótinishterge naqty sheshimder qarastyryldy. Túrkistan oblystyq partiia tóraǵasynyń birinshi orynbasary B.Tájibaev:
– Partiia únemi halyqpen tyǵyz bailanysta bolýy kerek. Bir kúnde halyqtyń qanshama máselesimen tanysyp, jurttyń úmit keletinin baiqaýǵa bolady. Óitkeni el qiyndyqqa ushyraǵan soń partiiaǵa keledi. Ol rette bizder máseleni sheshýge barynsha kómektesýimiz kerek. Qanshama otbasyǵa járdemderin jasaldy. Bul joly da shaǵymdanýshylardyń máselesin jaýapty mekemelermen birge muqiiat qarap, ońtaily sheshilýine atsalysamyz, – dedi.
Qazirgi tańda Arys qalasynda turǵyn úiler sany 8522 bolsa, onyń 7063 zaqymdanǵan, 468 turǵyn úi jaramsyz. Sonymen qatar búgingi tańǵa 7208 turǵyn úidiń jóndeý jumystary bitip, otbasylar qonystanǵan. Qazir qalada 415 turǵyn úide qurylys jumystary júrip jatyr. Olar taiaýda paidalanýǵa beriledi.
Arys qalalyq partiia filialyna búginge deiin 204 aýyzsha-jazbasha aryz tirkelip, onyń 123-i ońtaily sheshilgen. Arys qalasyndaǵy tótenshe jaǵdaiǵa bailanysty Ortalyq apparatqa, oblystyq qalalyq partiia filialdaryna jáne Call ortalyǵyna telefonmen túsken aryz shaǵymdarǵa orai úilerge júrgizilgen qurylys jumystarynyń sapasyna kelispegen 221 turǵyn úi ieleri arasynda túsindirý jumystary júrgizilip, kómek kórsetildi.
«Nur Otan» partiiasy Túrkistan oblystyq filialynyń baspasóz qyzmeti
