قابىلداۋعا تۇرعىن ءۇي جۇمىستارىنا قاتىستى ارىز-شاعىم بويىنشا 4 تۇرعىن كەلگەن.
ب.ماحايەۆ، ءا.سەيدۋالييەۆ، ن.ادىربەكوۆ، ج.ابدراحمانوۆا ەسىمدى ارىزدانۋشىلار تاراپىنان وتىرعان باسپاناسىنا قۇرىلىس جۇمىستارىن جۇرگىزۋ ماسەلەلەرى بويىنشا وتىنىشتەرگە ناقتى شەشىمدەر قاراستىرىلدى. تۇركىستان وبلىستىق پارتيا ءتوراعاسىنىڭ ءبىرىنشى ورىنباسارى ب.تاجىبايەۆ:
– پارتيا ۇنەمى حالىقپەن تىعىز بايلانىستا بولۋى كەرەك. ءبىر كۇندە حالىقتىڭ قانشاما ماسەلەسىمەن تانىسىپ، جۇرتتىڭ ءۇمىت كەلەتىنىن بايقاۋعا بولادى. ويتكەنى ەل قيىندىققا ۇشىراعان سوڭ پارتياعا كەلەدى. ول رەتتە بىزدەر ماسەلەنى شەشۋگە بارىنشا كومەكتەسۋىمىز كەرەك. قانشاما وتباسىعا جاردەمدەرىن جاسالدى. بۇل جولى دا شاعىمدانۋشىلاردىڭ ماسەلەسىن جاۋاپتى مەكەمەلەرمەن بىرگە مۇقيات قاراپ، وڭتايلى شەشىلۋىنە اتسالىسامىز، – دەدى.
قازىرگى تاڭدا ارىس قالاسىندا تۇرعىن ۇيلەر سانى 8522 بولسا، ونىڭ 7063 زاقىمدانعان، 468 تۇرعىن ءۇي جارامسىز. سونىمەن قاتار بۇگىنگى تاڭعا 7208 تۇرعىن ءۇيدىڭ جوندەۋ جۇمىستارى ءبىتىپ، وتباسىلار قونىستانعان. ءقازىر قالادا 415 تۇرعىن ۇيدە قۇرىلىس جۇمىستارى ءجۇرىپ جاتىر. ولار تاياۋدا پايدالانۋعا بەرىلەدى.
ارىس قالالىق پارتيا فيليالىنا بۇگىنگە دەيىن 204 اۋىزشا-جازباشا ارىز تىركەلىپ، ونىڭ 123ء-ى وڭتايلى شەشىلگەن. ارىس قالاسىنداعى توتەنشە جاعدايعا بايلانىستى ورتالىق اپپاراتقا، وبلىستىق قالالىق پارتيا فيليالدارىنا جانە Call ورتالىعىنا تەلەفونمەن تۇسكەن ارىز شاعىمدارعا وراي ۇيلەرگە جۇرگىزىلگەن قۇرىلىس جۇمىستارىنىڭ ساپاسىنا كەلىسپەگەن 221 تۇرعىن ءۇي يەلەرى اراسىندا ءتۇسىندىرۋ جۇمىستارى جۇرگىزىلىپ، كومەك كورسەتىلدى.
«Nur Otan» پارتياسى تۇركىستان وبلىستىق فيليالىنىڭ باسپا ءسوز قىزمەتى
