Saltanat Núkenovanyń aǵasy Aitbek Amangeldi qaryndasy jaily taǵy bir jańa málimetpen bólisti. Bul týraly ol “Chto skajete?” arnasyna bergen suqbatynda jetkizdi, dep habarlaidy Dalanews.kz.
Aǵasynyń aitýynsha, Saltanat Bishimbaevpen konsýltatsiia kezinde tanysqan.
“Saltanat er adamdardy qabyldamaityn. Sebebi olar artyq oiyn bildirip, mazasyn alatyn bolǵan. Biraq Bishimbaev Saltanattyń sýretin kórip, oǵan instagram arqyly jaza bastaidy. Keiin konsýltatsiia ótkizýin suraǵan. Bishimbaev bastapqyda onlain keiin oflain konsýltatsiiaǵa kelisken. Sosyn Saltanatqa kóńilin bildire bastaǵan. Biz Saltanat ekeýimiz jaqyn edik. Biraq onyń turmysqa shyǵamyn degeni meni tańqaldyrdy. Birinshi otbasymen, menimen tanystyrý kerek qoi dep birtúrli bolyp qalǵanmyn. Óitkeni Saltanat bulai jyldam sheshim qabyldamaityn. Bishimbaev eki aidan keiin úilenýge usynys jasady. Biz jai ǵana kóńil bildirip júrgen shyǵar dep qatty mán bermedik. Kúieýi bolady dep múldem oilamadyq. Saltanat oǵan ǵashyq bolǵandyqtan, óz betinshe sheshim qabyldady” – deidi Aitbek Amangeldi.
Ókinishke qarai Saltanat turmys quraǵannan keiin barlyǵynan alystap ketken. Aǵasynyń málimetinshe, qaryndasynyń úii jaqyn jerde ornalasqanymen, olar óte sirek kezdesken.
“Saltanattyń únemi ýaqyty bolmaityn. Buǵan qatty mán bermegen edim. Osylaisha ol otbasynan, týǵandary men jaqyndarynan alshaqtata bastady. Men otbasymynyń barlyq músheleri úshin geolokatsiia qosyp qoiǵanmyn. Biraq Saltanattyń geolokatsiiasyn sońǵy bir jylda únemi baqylap otyratynmyn” – deidi aǵasy.
Saltanat Núkenova men Bishimbaevpen eki jaqqa ketýge bel bailap, keiin qaita qosylǵan. Tipti ózi bólek páterge shyǵyp, qaitadan jańa ómirin bastaimyn dep sheshim qabyldaǵan eken.
“Barlyǵy jaqsy boldy. Biraq 26 qazan kúni Saltanat qosyldyq, nekemizdi taǵy qidyq dep sýret jiberdi. Biz qatty tańqaldyq. Saltanat taǵy bir ret múmkindik beremin dep sheshipti. Qýandyqtyń otbasynda qoldaý joq, bir-birine jaqyn emes dep Saltanat ony aiap júretin. Ony men ǵana túsinemin, aiaimyn, qoldaimyn deitin. Ketip qalsam, mensiz ne isteidi dep oilaityn” – deidi ol.
Aitbek Amangeldi Bishimbaevtyń bul áreketiniń kezdeisoq bolmaǵanyn aitty.
“Bishimbaev Saltanatty jaqyndarynan alshaqtatyp, adamdarmen aralasýyna ruqsat bermeitin. Bul kezdeisoq jaǵdai dep oilamaimyn. Men Bishimbaevtan qandaida bir aýytqý baiqamadym. Tergeý kezinde, oqiǵa barysynda ol esin bildi. Tamaq tapsyrys berip, jan-jaqta bolyp jatqannyń barlyǵyn baqylap otyrǵan. Men psiholog emespin, biraq ol esin bilip, barlyǵyn sanaly túrde jasaǵan dep oilaimyn” – deidi Aitbek Amangeldi.
https://dalanews.kz/news/98637-2024-zhyly-zher-silkinisi-bolatynyn-bilgen
