Qýandyq Bishimbaevtyń eks áieli Nazym Qaharman úndeý jasady. Ol marqum Saltanat Núkenovanyń aǵasy Aitbek Amangeldi Bishimbaev ekeýiniń qyzyn zorlady degen áńgime - jalǵan ári jala jabý ekenin jetkizdi, - dep habarlaidy Dalanews.kz.
Áńgime Nazym Qaharman men Qýandyq Bishimbaevtyń 10 jastaǵy qyzyn Aitbek Amangeldi zorlady degen jazbalarǵa qatysty bolmaq. Nazymnyń aitýynsha, Saltanat Núkenovanyń aǵasy Aitym (Aitbek) Amangeldini aiyptaǵan jazba - jala jabý.
"Meniń oiymsha, bolǵan oqiǵanyń maǵynasyn aýystyryp jibergen, tipti oqymaǵan da. Keibir sózderdi óziniń maqsaty úshin ainaldyryp jibergen. Endi muny joqqa shyǵarýyma týra keledi", - dedi Nazym Kaharman.
Ol marqum Saltanat Núkenovanyń aǵasyn jeke tanymaitynyn jáne dos emes ekenin aitty.
"Onyń otbasyna qaiǵyryp kóńil aitamyn. Men ózimniń jáne qyzymnyń múddesin qorǵaý úshin málimdeme jasamaqpyn", - dedi Nazym.
Nazym Qaharmannyń aitýynsha, 2023 jyldyń naýryzynda onyń qyzy men uly Bishimbaevpen birge bolǵan. Bir sátte tóbeles bolyp, oǵan balalar kýá bolǵan. Keiin qyzy anasyna qoryqqannan habarlama jibergen.
Kelesi kúni Bishimbaevtyń burynǵy áieli qyzy eseńgirep qalǵandyqtan politsiiaǵa habarlasqan.
"Men birinshi kezekte Qýandyqqa ashýlandym, olardyń qaýipsizdigine jaýap berýi kerek. Ol jerde ne bolǵanyn bilmedim. 102-ge telefon soǵyp, qyzyma shabýyl jasalǵany týraly politsiiaǵa habarlastym. Operator seksýaldyq zorlyq-zombylyq boldy ma, joq pa dep surady. Men oǵan: "Ne jaǵdai bolǵanyn bilmeimin, ol jerde bolǵan joqpyn, kelińder, anyqtaiyq", dedim", - deidi Nazym.
Nazym balalardan jaýap alynǵanyn aitady. Osydan keiin Aitbek Amangeldi balalarǵa qatysty eshqandai zań buzbaǵan degen qorytyndy jasalǵan.
"Bul ákimshilik quqyq buzýshylyq. Negizi Qýandyq Bishimbaev aryz jazýy kerek edi. Qyzym men ulymnyń aitýynsha, jaǵdai bylai bolǵanyn túsindik. Keshki saǵat 19.00 shamasynda Qýandyq bir jaqqa ketip qalady. Keshki saǵat 10-11-de Saltanat ta ketip qalady. Túngi saǵat 2-de domofon shyryldaǵan. Qyzym jaýap bergen, ol - Saltanattyń aǵasy. Olar bir-birin biletin. Ol ishke júgirip kirip, ony ustap alyp, Saltanattyń qaida ekenin suraidy. Ekeýi páterdi birge aralap, Saltanat pen Qýandyqty izdegen. Osydan keiin Aitbek Qýandyqqa telefon soqqan. (...) Bul jerde Aitbek jaily aita ketý kerek. Ol qyzymnyń qasyna kelip: "Balaqai, qatty qorqyp kettiń be? Bári jaqsy ma?" dep suraǵan".
Aitbek Amangeldi Nazym Qaharmannyń qyzyna Qýandyq Bishimbaevtyń Saltanat Núkenovany soqqyǵa jyqqanyn aitqan.
Nazymnyń aitýynsha, Qýandyq Bishimbaev kelgende Aitbek ekeýiniń arasynda tóbeles bolyp, aiqai-shý bastalady.
"Qýandyq pen Aitbek ursysyp qalǵanda balalarym shkafqa tyǵylyp, bári tynyshtalǵansha otyrǵan", - deidi Nazym.
