نۇكەنوۆانىڭ اعاسى بالا زورلاعان با؟ بيشىمبايەۆتىڭ ەكس ايەلى مالىمدەمە جاسادى

كوركەم الدابەرگەنوۆا 02 ناۋ. 2024 13:37 18894

قۋاندىق بيشىمبايەۆتىڭ ەكس ايەلى نازىم قاھارمان ۇندەۋ جاسادى. ول مارقۇم سالتانات نۇكەنوۆانىڭ اعاسى ايتبەك امانگەلدى بيشىمبايەۆ ەكەۋىنىڭ قىزىن زورلادى دەگەن اڭگىمە - جالعان ءارى جالا جابۋ ەكەنىن جەتكىزدى، - دەپ حابارلايدى Dalanews.kz.
اڭگىمە نازىم قاھارمان مەن قۋاندىق بيشىمبايەۆتىڭ 10 جاستاعى قىزىن ايتبەك امانگەلدى زورلادى دەگەن جازبالارعا قاتىستى بولماق.  نازىمنىڭ ايتۋىنشا، سالتانات نۇكەنوۆانىڭ اعاسى ايتىم (ايتبەك) امانگەلدىنى ايىپتاعان جازبا - جالا جابۋ.

"مەنىڭ ويىمشا، بولعان وقيعانىڭ ماعىناسىن اۋىستىرىپ جىبەرگەن، ءتىپتى وقىماعان دا. كەيبىر سوزدەردى ءوزىنىڭ ماقساتى ءۇشىن اينالدىرىپ جىبەرگەن. ەندى مۇنى جوققا شىعارۋىما تۋرا كەلەدى"، - دەدى نازىم كاحارمان.

ول مارقۇم سالتانات نۇكەنوۆانىڭ اعاسىن جەكە تانىمايتىنىن جانە دوس ەمەس ەكەنىن ايتتى.

"ونىڭ وتباسىنا قايعىرىپ كوڭىل ايتامىن. مەن ءوزىمنىڭ جانە قىزىمنىڭ مۇددەسىن قورعاۋ ءۇشىن مالىمدەمە جاساماقپىن"، - دەدى نازىم.

نازىم قاھارماننىڭ ايتۋىنشا، 2023 جىلدىڭ ناۋرىزىندا ونىڭ قىزى مەن ۇلى بيشىمبايەۆپەن بىرگە بولعان. ءبىر ساتتە توبەلەس بولىپ، وعان بالالار كۋا بولعان. كەيىن قىزى اناسىنا قورىققاننان حابارلاما جىبەرگەن.

كەلەسى كۇنى بيشىمبايەۆتىڭ بۇرىنعى ايەلى قىزى ەسەڭگىرەپ قالعاندىقتان پوليسياعا حابارلاسقان.

"مەن ءبىرىنشى كەزەكتە قۋاندىققا اشۋلاندىم، ولاردىڭ قاۋىپسىزدىگىنە جاۋاپ بەرۋى كەرەك. ول جەردە نە بولعانىن بىلمەدىم. 102-گە تەلەفون سوعىپ، قىزىما شابۋىل جاسالعانى تۋرالى پوليسياعا حابارلاستىم. وپەراتور سەكسۋالدىق زورلىق-زومبىلىق بولدى ما، جوق پا دەپ سۇرادى. مەن وعان: "نە جاعداي بولعانىن بىلمەيمىن، ول جەردە بولعان جوقپىن، كەلىڭدەر، انىقتايىق"، دەدىم"، - دەيدى نازىم.

نازىم بالالاردان جاۋاپ الىنعانىن ايتادى. وسىدان كەيىن ايتبەك امانگەلدى بالالارعا قاتىستى ەشقانداي زاڭ بۇزباعان دەگەن قورىتىندى جاسالعان.

"بۇل اكىمشىلىك قۇقىق بۇزۋشىلىق. نەگىزى قۋاندىق بيشىمبايەۆ ارىز جازۋى كەرەك ەدى. قىزىم مەن ۇلىمنىڭ ايتۋىنشا، جاعداي بىلاي بولعانىن تۇسىندىك. كەشكى ساعات 19.00 شاماسىندا قۋاندىق ءبىر جاققا كەتىپ قالادى. كەشكى ساعات 10-11-دە سالتانات تا كەتىپ قالادى. تۇنگى ساعات 2-دە دوموفون شىرىلداعان. قىزىم جاۋاپ بەرگەن، ول - سالتاناتتىڭ اعاسى. ولار ءبىر-بىرىن بىلەتىن. ول ىشكە جۇگىرىپ كىرىپ، ونى ۇستاپ الىپ، سالتاناتتىڭ قايدا ەكەنىن سۇرايدى. ەكەۋى پاتەردى بىرگە ارالاپ، سالتانات پەن قۋاندىقتى ىزدەگەن. وسىدان كەيىن ايتبەك قۋاندىققا تەلەفون سوققان. (...) بۇل جەردە ايتبەك جايلى ايتا كەتۋ كەرەك. ول قىزىمنىڭ قاسىنا كەلىپ: "بالاقاي، قاتتى قورقىپ كەتتىڭ بە؟ ءبارى جاقسى ما؟" دەپ سۇراعان".

ايتبەك امانگەلدى نازىم قاھارماننىڭ قىزىنا قۋاندىق بيشىمبايەۆتىڭ سالتانات نۇكەنوۆانى سوققىعا جىققانىن ايتقان.

نازىمنىڭ ايتۋىنشا، قۋاندىق بيشىمبايەۆ كەلگەندە ايتبەك ەكەۋىنىڭ اراسىندا توبەلەس بولىپ، ايقاي-شۋ باستالادى.

"قۋاندىق پەن ايتبەك ۇرسىسىپ قالعاندا بالالارىم شكافقا تىعىلىپ، ءبارى تىنىشتالعانشا وتىرعان"، - دەيدى نازىم.


ۇسىنىلعان
سوڭعى جاڭالىقتار
x