Sot otyrysynda eks-ministrdiń advokattary Bishimbaev pen Núkenovanyń Maldiv aralyndaǵy fotosýretterin qosýdy surady. Biraq olardyń ótinishi qanaǵattandyrylmady, dep habarlaidy Dalanews.kz.
Aiyptalýshy taraptyń advokaty atalmysh fotosýretter azaptaý týraly aiyptardy joqqa shyǵarý úshin qajet ekenin jetkizdi.
"Olardyń júzinen bárin baiqaýǵa bolady", - dep qosty taǵy bir zańger.
Al jábirlenýshiniń advokaty bul sýretterdi qosýǵa qarsylyq tanytty.
"Sýretterde ol (red.Saltanat) sol sátte baqytty bolǵan shyǵar. Alaida bul bizge belgisiz sebeptermen usynylmady (dálel retinde - avtordyń eskertpesi)", - dep atap ótti.
Zardap shekken taraptyń advokaty Maldiv aralyndaǵy fotosýretterin qosýdan birneshe ret bas tartqanyn aita otyryp, osy áreketterimen qazylar alqasyn jańylystyrýǵa tyrysyp jatqanyn alǵa tartty.
"Bul fotosýretterdiń qaidan alynǵany belgisiz. Fotosýretter tamyzǵa deiin túsirilgen bolýy múmkin. Biz bilmeimiz, qorǵaýshylar bul týraly aitpady. Biz qazylar alqasyna bul fotosýretterdi berýge qarsymyz", - dep atap ótti prokýror.
Sottalýshynyń advokaty fotosýretter 2023 jyldyń aqpan aiynda túsirilgenin aitty. Sot qorǵaýshynyń ótinishin qanaǵattandyrmady.
Aita keteiik, búgin Astanada áieli Saltanat Núkenovany óltirdi dep aiyptalǵan burynǵy Ulttyq ekonomika ministri Qýandyq Bishimbaevtyń soty ótip jatyr.
2023 jyldyń qarashasynda eks-ministrge óz áieli Saltanat Núkenovany uryp óltirdi degen aiyp taǵyldy. Oǵan QR QK 110-babynyń 2-bóligi (Azaptaý) jáne 99-baptyń 2-bóligi (Asa qatygezdikpen jasalǵan kisi óltirý) boiynsha aiyp taǵylyp otyr. Eger qylmysy dáleldense, eks-ministr 20 jylǵa deiin sottalýy múmkin.
