Eldiń túkpir-túkpirindegi mamandandyrylǵan halyqqa qyzmet kórsetý ortalyqtarynda kezek kóbeıdi. "Azamattarǵa arnalǵan úkimet" memlekettik korporasıasy osy jaǵdaıǵa pikir bildirdi, dep habarlaıdy Dalanews.kz.

"Memlekettik tirkeý belgilerin erkin tańdaýǵa múmkindik beretin norma engizilgeni týraly aqparat taralýyna baılanysty búginde elimizdiń kóptegen óńirinde mamandandyrylǵan HQKO-larda qyzmet alýshylar sany artty", – dep jazylǵan habarlamada.

Vedomstvo málimetinshe, barlyq mamandandyrylǵan HQKO shtattyq rejımde jumys istep jatyr.

"Azamattarǵa qyzmet kórsetý qalypty tártippen júzege asyrylyp jatyr, aqparattyq júıelerdiń jumysynda tehnıkalyq aqaý tirkelmedi", – dep jazylǵan habarlamada.

Aıta keteıik, buǵan deıin redaksıaǵa Mamandandyrylǵan halyqqa qyzmet kórsetý ortalyqtarynda túsirilgen sýretter keldi.