2025 jylǵy Nobeldiń beibitshilik syilyǵy Venesýela oppozitsiiasynyń jetekshisi Mariia Korina Machadoǵa berildi, dep habarlaidy Dalanews.kz.
Demokratiia men beibit ózgerister úshin kúres
Norvegiia Nobel komiteti Machadonyń Venesýela halqynyń demokratiialyq quqyqtaryn qorǵaýǵa jáne diktatýradan demokratiiaǵa beibit jolmen ótý úshin kúreske qosqan úlesin joǵary baǵalady.
Azamattyq erliktiń úlgisi
Komitettiń málimdeýinshe, Mariia Korina Machado - azamattyq batyldyqtyń aiqyn úlgisi. Ol oppozitsiiany biriktirip, elde erkin jáne ádil sailaýlar ótkizý úshin kúresken basty tulǵa retinde ataldy.
Nobel komiteti saiasatkerdiń qoǵamdy biriktirýge, militarizatsiiaǵa qarsy turýǵa jáne beibit ózgerister ideiasyna adaldyǵy Nobel syilyǵynyń barlyq qaǵidatyna tolyq sáikes keletinin atap ótti.
Tramp
Tramp ózin tarihta beibitshilik ornatýshy retinde qaldyrǵysy keletinin aitady. Sailaý naýqany kezinde ol soǵystardy toqtatýǵa ýáde bergen bolatyn jáne Aq úige qaita oralǵan soń syrtqy saiasatta erekshe belsendilik tanytty.
Ol Ýkraina men Reseidi tatýlastyrýǵa tyrysty. Al onyń Taiaý Shyǵystaǵy 20 tarmaqtan turatyn beibit josparnyń alǵashqy bóligi jýyrda Mysyrda ótken kelissózderde maquldandy. Sarapshylardyń pikirinshe, bul jospar - HAMAS ustap otyrǵan izraildik tutqyndardy bosatyp, Gazadaǵy soǵysty toqtatýǵa múmkindik beretin eń naqty shans.
Tramptyń syrtqy saiasaty týraly talqylaýlarda Nobeldiń beibitshilik syilyǵy taqyryby jii qozǵalady. Kóptegen sarapshylardyń aitýynsha, osy syilyqqa ie bolý Tramp úshin basty yntalandyrýlardyń biri. Prezidenttiń ainalasyndaǵy adamdar da onyń bul marapatqa laiyq ekenin aityp, al Tramptyń ózi de ony birneshe ret ashyq túrde atap ótken.
