Almaty oblysy qaldyqtardy tolyq óńdeý sıkli bar Qazaqstandaǵy birinshi «kómirtekti qala» alańyna aınalýy múmkin. Bul bastamany oblys ákimi Marat Sultanǵazıevpen kezdesýinde, Nobel syılyǵynyń laýreaty Rae Kvon Chýng kóterdi.

Birikken Ulttar Uıymy Bas hatshysynyń klımattyń ózgerýi boıynsha keńesshisi qyzmetin atqaratyn ǵalym, oblys ákiminiń shaqyrýymen jańa Alataý qalasyn damytý máselesin talqylaý úshin kelgen.

Rae Kvon Chýng qaladaǵy kólik kólemin barynsha azaıtýdy, jeke kólikti qoǵamdyq kólikke aýystyrýdy usyndy, bul paıdalanylǵan gazdardy azaıtady.

«Eger siz kómirteksiz qala salsańyz, bul kóptegen ınvestorlardy tartady, jáne mundaı qalalar qyzyǵýshylyq tanytatyn bolady», - dep atap ótti profesor.

Sondaı-aq, ol Alataýdy álemge tanytatyn jáne tanymal etetin, qalada tolyq sıkldi qoqys óńdeıtin zaýyt qurýdyń mańyzdylyǵyna toqtaldy. Oblys ákimi, Qazaqstan úkimeti qaldyqtardy kádege jaratý ıdeıasyn tolyq qoldaıtynyn aıtty.

Sonymen qatar, Rae Kvon Chýng óziniń Shymkentte júzege asyrylyp jatqan «Green cotton» jobasyn tanystyrdy. Jobanyń ereksheligi - kóp mólsherde ylǵal qajet etpeıtin maqta ósirý. Organıkalyq maqta Louis Vuitton jáne Gucci sıaqty iri sheteldik brendter arasynda suranysqa ıe ekendigin aıtty.

Kezdesý sońynda Rae Kvon Chýng, Marat Sultanǵazıevti qyrkúıekte ótetin Máskeýdegi BRIKS samıtine shaqyrdy. Bıylǵy samıttiń taqyryby – «Jańa qalalardy damytý».