Armeniia prezidenti Vaagn Hachatýrian jańa sailanǵan parlament óz jumysyn bastaǵannan keiin Nikol Pashiniandy qaitadan eldiń premer-ministri etip taǵaiyndady, dep habarlaidy dalanews.kz.
Tiisti jarlyq memleket basshysynyń resmi saitynda jariialandy.
«Konstitýtsiianyń 149-babynyń 1-bóligine sáikes Nikol Pashinian Armeniia Respýblikasynyń premer-ministri bolyp taǵaiyndalsyn», – delingen qujatta.
Eske salaiyq, 2 tamyzda Armeniiada 7 maýsymda ótken parlamenttik sailaý qorytyndysy boiynsha jasaqtalǵan jańa shaqyrylymdaǵy Ulttyq jinalystyń alǵashqy otyrysy ótti. El Konstitýtsiiasyna sáikes, jańadan sailanǵan parlamenttiń alǵashqy otyrysy ótken kúni úkimet óz ókilettigin toqtatady. Osyǵan bailanysty Nikol Pashinian prezident Vaagn Hachatýriannyń atyna ministrler kabinetiniń otstavkaǵa ketýi týraly ótinish bergen bolatyn. Keiin memleket basshysy bul otstavkany bekitti.
Armeniia Konstitýtsiiasynyń 149-babyna sáikes, prezident parlamentte kópshilik orynǵa ie bolǵan saiasi kúsh usynǵan kandidatty premer-ministr qyzmetine taǵaiyndaidy. Parlamentte basymdyqqa ie «Azamattyq kelisim» partiiasy bul qyzmetke Nikol Pashiniannyń kandidatýrasyn qaita usyndy.
