Qaraǵandyda Erlan Nyǵmatýlinge tiesili zaýytty respýblikalyq deńgeide komissiia tekseredi, - dep habarlaidy Dalanews.kz.
"Búgingi tańda 20 shildede bolǵan toptyq jazataiym oqiǵa saldarynan "YDD Corporation" JShS (Qaraǵandy) ferroqorytpa zaýytynda tórt adam qaza tapty. Osyǵan bailanysty, QR Eńbek kodeksine (188-baptyń 4-tarmaǵy) sáikes, QR Bas memlekettik eńbek inspektory Tólegen Ospanqulovtyń tóraǵalyǵymen toptyq jazataiym oqiǵany tergeý jónindegi respýblikalyq arnaiy komissiia quryldy, onda jazataiym oqiǵanyń sebepteri anyqtalyp, kináli adamdar anyqtalady.
Komissiia quramyna: Qaraǵandy oblysynyń bas memlekettik eńbek inspektory, ónerkásiptik qaýipsizdik komitetiniń aýmaqtyq departamentiniń jáne jumys berýshiniń ókilderi kirdi",-dep habarlady Qaraǵandy oblysynyń eńbek inspektsiiasy basqarmasynyń baspasóz qyzmeti.
Aita keteiik, Qaraǵandydaǵy ferroqorytpa zaýytynyń segiz jumysshysy kenetten peshten shyqqan jalynnyń saldarynan qatty kúiik alyp, aýrýhanaǵa jetkizildi. Olardyń biri 22 shildede qaitys boldy.
Búgin zaýytta bolǵan apat saldarynan aýyr jaraqat alǵan 8 adamnyń tórteýi qaza tapqany belgili boldy. Qalǵan tórt adamnyń ekeýi aýyr jaǵdaida jansaqtaý bóliminde jatsa, taǵy ekeýi táýir bolǵan.
Dárigerler segiz naýqastyń altaýynyń jaǵdaiyn óte aýyr dep otyr.
"Dárigerler qoldan kelgenniń bárin jasaǵanymen, Qaraǵandy ferroqorytpa zaýytynda zardap shekken jumysshyny aman alyp qala almady. 1993 jyly týǵan, denesiniń 85 paiyzy kúiip qalǵan, osy ýaqytqa deiin óte aýyr jaǵdaida bolǵan naýqas qaitys boldy. Marqumnyń jaqyn týystaryna shyn júrekten kóńil aitamyz", - delingen oblystyq densaýlyq saqtaý basqarmasynyń habarlamasynda.
Eske salaiyq, 20 shildede, tańǵy saǵat 04:10-da YDD Corporation ferroqorytpa zaýytynda shtattan tys jaǵdai boldy. Oqysta №1 peshten jalyn shyǵyp, saldarynan kásiporynnyń 8 qyzmetkeri túrli dárejedegi jaraqat aldy.
Kompaniia senbi kúni, 20 shildeniń tańynda zardap shekken barlyq qyzmetkerdiń aýrýhanada jatqanyn, olarǵa shuǵyl meditsinalyq kómek kórsetiletinin aitty.
"Kompaniia zardap shekkenderge barlyq kómek kórsetedi jáne aýrýhananyń meditsinalyq qyzmetkerlerimen únemi bailanysta bolady", - dep sendirdi YDD.
YDD Corporation ferroqorytpa zaýyty Qaraǵandyda ornalasqan. Jylyna shamamen 240 myń tonna ferrosilitsii óndiredi. "YDD Corporation" JShS quryltaishysy kompaniianyń teń iesi Erlan Nyǵmatýlin boldy. 2021 jyly Forbes Kazakhstan nusqasy boiynsha Qazaqstannyń eń yqpaldy 50 biznesmeniniń reitingine kirdi.
