قاراعاندىدا ەرلان نىعماتۋلينگە تيەسىلى زاۋىتتى رەسپۋبليكالىق دەڭگەيدە كوميسسيا تەكسەرەدى، - دەپ حابارلايدى Dalanews.kz.

"بۇگىنگى تاڭدا 20 شىلدەدە بولعان توپتىق جازاتايىم وقيعا سالدارىنان "YDD Corporation" ج ش س (قاراعاندى) فەرروقورىتپا زاۋىتىندا ءتورت ادام قازا تاپتى. وسىعان بايلانىستى، ق ر ەڭبەك كودەكسىنە (188-باپتىڭ 4-تارماعى) سايكەس، ق ر باس مەملەكەتتىك ەڭبەك ينسپەكتورى تولەگەن وسپانقۇلوۆتىڭ توراعالىعىمەن توپتىق جازاتايىم وقيعانى تەرگەۋ جونىندەگى رەسپۋبليكالىق ارنايى كوميسسيا قۇرىلدى، وندا جازاتايىم وقيعانىڭ سەبەپتەرى انىقتالىپ، كىنالى ادامدار انىقتالادى.

كوميسسيا قۇرامىنا: قاراعاندى وبلىسىنىڭ باس مەملەكەتتىك ەڭبەك ينسپەكتورى، ونەركاسىپتىك قاۋىپسىزدىك كوميتەتىنىڭ اۋماقتىق دەپارتامەنتىنىڭ جانە جۇمىس بەرۋشىنىڭ وكىلدەرى كىردى"،-دەپ حابارلادى قاراعاندى وبلىسىنىڭ ەڭبەك ينسپەكسياسى باسقارماسىنىڭ باسپا ءسوز قىزمەتى.

ايتا كەتەيىك، قاراعاندىداعى فەرروقورىتپا زاۋىتىنىڭ سەگىز جۇمىسشىسى كەنەتتەن پەشتەن شىققان جالىننىڭ سالدارىنان قاتتى كۇيىك الىپ، اۋرۋحاناعا جەتكىزىلدى. ولاردىڭ ءبىرى 22 شىلدەدە قايتىس بولدى.

بۇگىن زاۋىتتا بولعان اپات سالدارىنان اۋىر جاراقات العان 8 ادامنىڭ تورتەۋى قازا تاپقانى بەلگىلى بولدى. قالعان ءتورت ادامنىڭ ەكەۋى اۋىر جاعدايدا جانساقتاۋ بولىمىندە جاتسا، تاعى ەكەۋى ءتاۋىر بولعان.   

دارىگەرلەر سەگىز ناۋقاستىڭ التاۋىنىڭ جاعدايىن وتە اۋىر دەپ وتىر.

"دارىگەرلەر قولدان كەلگەننىڭ ءبارىن جاساعانىمەن، قاراعاندى ​​فەرروقورىتپا زاۋىتىندا زارداپ شەككەن جۇمىسشىنى امان الىپ قالا المادى. 1993 جىلى تۋعان، دەنەسىنىڭ 85 پايىزى كۇيىپ قالعان، وسى ۋاقىتقا دەيىن وتە اۋىر جاعدايدا بولعان ناۋقاس قايتىس بولدى. مارقۇمنىڭ جاقىن تۋىستارىنا شىن جۇرەكتەن كوڭىل ايتامىز"، - دەلىنگەن وبلىستىق دەنساۋلىق ساقتاۋ باسقارماسىنىڭ حابارلاماسىندا.

ەسكە سالايىق، 20 شىلدەدە، تاڭعى ساعات 04:10-دا YDD Corporation فەرروقورىتپا زاۋىتىندا شتاتتان تىس جاعداي بولدى. وقىستا №1 پەشتەن جالىن شىعىپ، سالدارىنان  كاسىپورىننىڭ 8 قىزمەتكەرى ءتۇرلى دارەجەدەگى جاراقات الدى. 

كومپانيا سەنبى كۇنى، 20 شىلدەنىڭ تاڭىندا زارداپ شەككەن بارلىق قىزمەتكەردىڭ اۋرۋحانادا جاتقانىن، ولارعا شۇعىل مەديسينالىق كومەك كورسەتىلەتىنىن ايتتى.

YDD Corporation فەرروقورىتپا زاۋىتى قاراعاندىدا ورنالاسقان. جىلىنا شامامەن 240 مىڭ توننا فەرروسيليسيي وندىرەدى. "YDD Corporation" ج ش س قۇرىلتايشىسى كومپانيانىڭ تەڭ يەسى ەرلان نىعماتۋلين بولدى. 2021 جىلى Forbes Kazakhstan نۇسقاسى بويىنشا قازاقستاننىڭ ەڭ ىقپالدى 50 بيزنەسمەنىنىڭ رەيتينگىنە كىردى.